21:48 / 23-01-2022
Şeyma Mayamidə kafe açır
Qələbəyə saatlar qalmış şəhid olan qəhrəman-VİDEOLAR+FOTOLAR-Sabaha-inamla.az-da
Tarix: 10-11-2021 21:20 | Bölmə: Gündəm
                       
Bu gün Sumqayıt şəhərində şəhidlik zirvəsinə ucalmış Abbaslı Elgün Ağayar oğlunun anım günü keçirilib.
Tədbirdə şəhid ailələri, qazilər,Sumqayıt şəhər İcra Hakimiyyətinin başçısı Zakir Fərəcov və məsul şəxslər, ictimayyət nümayəndələri, din xadimləri, Laçın rayon 21 nömrəli tam orta məktəbin direktoru Aygün Kərimova və bir qrup müəllim, şagirdləri, jurnalistlər iştirak ediblər.

Sabaha-inamla.az tədbirdən çəkilən videoları və totoları təqdim edir:
                         


Elgin Abbaslı 16 may 1991-ci ildə Laçın rayonunun Dəyhan kəndində dünyaya göz açmışdır. 1992-ci ildə Laçın işğal olunduğu üçün ailəsi ilə birgə Sumqayıta köçmüşdür. Onlar Sarıqaya qəsəbəsində məskunlaşmışlar.
                        
Orta təhsilini aldıqdan sonra Elgin hərbi xidmətə yollanmışdır. Uşaq yaşlarından hərbçiliyə marağı olduğundan hərbi xidmət müddəti bitdikdən sonra, 2014-cü ildə müddətdən artıq həqiqi hərbi xidmət qulluqçusu olmuş, hərbi xidmətini davam etdirmişdir. Pirəkəşküldə yerləşən hərbi hissədə tibb bölüyündə xidmət etmişdir.


Azərbaycan Silahlı Qüvvələrinin əsgəri olan Elgin Abbaslı 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsində iştirak etmişdir.FüzulininCəbrayılınFüzulininZəngilanınQubadlınınLaçının və
                       
 Şuşanın azadlığı uğrunda gedən döyüşlərdə vuruşmuşdur. Elgin Abbaslı 10 noyabr 2020-ci ildə Şuşa istiqamətində döyüş tapşırığını yerinə yetirərkən şəhid olmuşdur. Sumqayıt Şəhidlər Xiyabanında dəfn edilmişdir.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatıldığı və hərbi hissə qarşısında qoyulmuş tapşırıqların
                    
icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Elgin Abbaslı ölümündən sonra "Vətən uğrunda" medalı ilə təltif edildi.

Azərbaycanın Füzuli rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş
                        
etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən Elgin Abbaslı ölümündən sonra "Füzulinin azad olunmasına görə" medalı ilə təltif edildi.

Azərbaycanın Şuşa rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 05.11.2021-ci il tarixli Sərəncamına əsasən Elgin Abbaslı ölümündən sonra "Şuşanın azad olunmasına görə" medalı ilə təltif edildi.

Namiq MƏMMƏDLİ
Sabaha-inamla.az

















































Baxış sayı: 229


Bölməyə aid digər xəbərlər
5-01-2022, 17:55 Nazarbayev istefa verdi