18:57 / 26-11-2021
Əvəz Həsənov vəfat etdi
Məleykə Dövlətzadə: "Cəbrayıl heç vaxt istəməyib ki, mən ağlayım"-VİDEO
Tarix: 29-09-2021 00:49 | Bölmə: Gündəm

"Cəbrayıl yoxdur, indi hiss edirəm ki, çox təkəm"


28 sentyabr Cəbrayıl  Dövlətzadənin şəhadətə qovuşduğu gündür. Bu münasibətlə əvvəlcə şəhidin II Fəxri Xiyabandakı məzarı ziyarət olunub. Sonra Sumqayıt şəhərində-GREEN HOUSE şadliq evində tədbir keçirilib. Tədbirdə şəhid ailələri, ictimayyət nümayəndələri, ziyalılar, hərbiçilər, qazilər iştirak ediblər.Şəhidlər bir dəqiqə sükutla yad edilib. Dövlət himni səslənib. Şəhidin şərəfinə ehsan verilib.
Tədbirdə Sumqayıt şəhər İcra Hakimiyyətinin başçısı Zakir Fərəcov da iştirak edib.
Sabaha-inamla.az Cəbrayıl Dövlətzadənin anası Məleykə Dövlətzadənin çıxışını tamaşaçılara təqdim edir:

                        
Cəbrayıl Dövlətzadə 2001-ci il sentyabrın 11-də Sumqayıt şəhərində Məleykə və Dövlət Dövlətzadələrin ailəsində anadan olub.Əslən Zəngilan rayonundan idi. Subay idi.
Cəbrayıl Dövlətzadə 2019-cu ilin oktyabrından Sərhəd Qoşunlarının sıralarında Cəlilabad rayonunda yerləşən "N" saylı hərbi hissəsində müddətli həqiqi hərbi xidmətdə idi.
Azərbaycan Ordusunun əsgəri olan Cəbrayıl Dövlətzadə 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Murovdağ istiqamətində gedən döyüşlərdə xüsusi təyinatlıların tərkibində savaşıb. Cəbrayıl Dövlətzadə sentyabrın 28-də Murovdağ döyüşləri zamanı Kəlbəcər rayonu ərazisində şəhid olub. II Şəhidlər Xiyabanında dəfn olunub.
Azərbaycanın ərazi bütövlüyünün bərpa edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Cəbrayıl Dövlətzadə ölümündən sonra "Vətən uğrunda" medalı ilə təltif edildi.

Azərbaycanın ərazi bütövlüyünün bərpa edilməsi zamanı döyüş əməliyyatlarının rəhbəri olan, düşmənin canlı qüvvəsinin məhv edilməsində rəşadət göstərən, vəzifə borcunu ləqayətlə və vicdanla yerinə yetirdiyinə görə Azərbaycan Prezidenti İlham Əliyevin 15.12.2020-ci il tarixli Sərəncamına əsasən Cəbrayıl Dövlətzadə ölümündən sonra "Azərbaycan Bayrağı" ordeni ilə təltif edildi.
Azərbaycanın Kəlbəcər rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24.06.2021-ci il tarixli Sərəncamına əsasən Cəbrayıl Dövlətzadə ölümündən sonra "Kəlbəcərin azad olunmasına görə" medalı ilə təltif edildi.


Namiq MƏMMƏDLİ
Sabaha-inamla.az


Baxış sayı: 238


Bölməyə aid digər xəbərlər
25-11-2021, 20:14 Prezident görüş keçirdi