Tahir Sadıqov:"Çox böyük arzu ilə yaşayırdım ki, mənim doğma Ağdamım görəsən nə vaxt işğaldan azad olacaq?"
Tarix: 01-07-2021 20:52 | Bölmə: Gündəm


Bu gün hörmətli ziyalımız, uzun illər kitabxana sistemində işləmiş, əslən Ağdamdan olan Tahir Sadıqovun doğum günüdür. Sabaha-inamla.az Tahir müəllimi səmimi qəlbdən təbrik edir, can sağğlığı arzulayır.Və məhz doğum günündə onun redaksiyaya verdiyi müsahibəni təqdim edir:
                          
-Tahir müəllim siz əslən Ağdamlısınız. Ağdamın alınmasını eşidəndə  hansı hisslər keçirdiniz?
-Bütün Azərbaycan xalqı, eləcədə dünya azərbaycanlıları,hamımızın bir yaralı yerimiz var idi ki, oda Dağlıq Qarabağın, ermənilər tərəfindən işğal olunmuş rayonlarımızın azad edilməsi məsələsi idi. Mən uzun illər kitabxana sahəsində işləyərkən demək olar ki, hər il bütün rayonların anım günlərini

                        
yüksək səviyyədə çoxsaylı ziyalılarımızın iştirakı ilə qeyd edirdik. Bütün tədbirlərin sonunda hamımızın arzusu Qarabağın azad edilməsini görmək və o Qarabağa bir səfər etmək olub. Məndə bir Ağdamlı kimi çox böyük arzu ilə yaşayırdım ki, mənim doğma Ağdamım görəsən nə vaxt işğaldan azad olacaq? Azərbaycanın hər bir qarışı bizim üçün Vətəndir... Sevincimin həddi-hüdudu yoxdur ki, Ali Baş Komandan İlham Əliyevin rəhbərliyi, onun şücaəti, mərdliyi qorxmazlığı nəticəsində 44 günlük müharibə bizim qələbəmizlə başa çatdı. Bu sevinci bütün dünya azərbaycanlıları yaşadı. O cümlədən məndə. Cənab Prezidentin işğal olunmuş rayonlar haqqında planları, fikirləri, onun sevinci təbii ki, hamımızın sevincimizdi. Cənab Prezidentin Şuşada rəqsini görəndə kövrəldim sevincdən göz yaşlarımı saxlaya bilmədim. Fərəhimiz, qürurumuz, Ali Baş Komandanımız bütün dünyaya bəyan etdi ki, Biz Azərbaycan xalqı qorxmaz, mərd, igid xalqığ. Eyni zamanda heç kəsin torpağına göz dikməmişik. Öz torpağımız, Vətənimiz uğrunda döyüşdük.
Bizim qələbəmizin ən önəmli anlarındna biri odur ki, xalqımız həmin ərəfədə Prezidentin ətrafında bir yumruq kimi sıx birləşdi. Bir neçə müsahibələrimdə dedeiyim sözü bu gündə təkrarlamaq istəyirəm: Cənab Prezident , mən sizin əsgərinizəm. Təbii ki, Ağdamın, Şuşanın gözəl şəhərə çevriləcək planını məndə sosial şəbəkələrdən görmüşəm. Düşünürəm ki, yaxın gələcəkdə qaçqın və məcburi köçkünlər azad olunmuş torpaqlarımıza dönəcək, o sevinci yaşayacaq. O cümlədən birdə mən. Cənab Prezidentimizə uzun ömür, can sağlığı arzulayıram!


               Tahir Sadıqov Tofiq Əli-zadə ilə

-Ağdamda kitabxana sisteminin qurulmasında bir mütəxəsis kimi istərdinizmi ki, sizdən də istifadə etsinlər?
- Bu xəbəri çox böyük sevinclə qarşılıyardım. Mən professional kitabxanaçı- təşkilatçı, 31 il bu sahədə çalışan bir mütəxəssis kimi nəinki Ağdam, işğal olunmuş rayonlarımızınhər hansı birinə dövlətimiz, Mədəniyyət Nazirliyi məsləhət bilərsə, mənə ehtiyac olarsa, təklif olarsa, məmnuniyyətlə həmin təklifi qəbul edərəm. İnanıram ki, mən orda yüksək səviyyədə kitabxanaların fəaliyyətini nizama salmaq  mənim ürəyimcə olar.  Bu işin öhdəsindən bacarıqla gələrəm.

-Siz Cabbarlı adın Respublika gənclər kitabxanasının müdiri olmusunuz. Necə oldu ki, belə bir mütəxəssis olduğunuz halda işsiz qaldınız?
-Mən ixtisasca Ali təhsilli kitabxanaçıyam. Bakı Dövlət Universitetinin kitabxanaçılıq fakültəsinin əyani şöbəsini bitirmişəm.  1987-ci ildə Nizamni rayon mərkəzləşmiş kitabxana sisteminin bir filialına göndərilmişəm.  İki il orda çalışdıqdan sonra 1989-cu ildə Nizami rayon mərkəzləmiş kitabxana sistemini mən qurub, yaratmışam...Mən orda işləyəndə çox aktiv, fəal olmuşam. Hələ o vaxt orda işləyəndə böyük şair Məmməd Arazın zavad MBZ-nin klubunda yubileyini keçirəndə o tədbir sanki rayonu silkələdi. Bu boyda rayonda sıravi kitabxanaçı möhtəşəm bir tədbir keçirdi. O tədbirdən sonra mənə qarşı aqressiv bir münasibət yarandı.
Mən 1994-cü ildən 2018-ci ilin may ayının 30-na kimi 24 il Respublika gənclər kitabxanasına rəhbərlik etmişəm. Bu kitabxananı Respublikada ən nümunəvi kitabxanalardan birinə çevirmişdim. Tam müasir tələblərə cavab verən modernlşmiş bir kitabxana yaratmışdım. O kitabxanada analoqu olmayan bir layihə həyata keçirdik: kitabxanaların vahid mərkəzdən idarə edilməsi.Mədəniyyət Nazirliyinin də dəstəyi oldu.  Bu layihəni Respublikada heç bir kitabxana tətbiq etməyib.  Respublikanın bütün kitabxanaları bizim məlumat bankımızdan qidalanırdı. 2009-cu ildən avtomatlaşdırılmış kitabxana sistemi tətbiq edilməyə başlandı. Elektron kitabxana, elektron kataloq yaradılması istiqamətində böyük bir işlər həyata keçirildi.  Tam məsuliyyətlə deyə bilərəm ki, Respublikada elektron kataloqun tətbiq edilməsi bizim sayəmizdə olmuşdu. Çünki o sistemi, o proqram, o layihəni tətdiq edən yeganə proqramist bizim işçimiz idi. 2018-ci il gənclər kitabxanasının 90 illik yubileyi idi. Mən bunula bağlı dissertasiya yazmışam.  AMEA Məhəmməd Füzuli adına Əlyazmalar İnstitutunun dissertantıyam. Və çox yüksək səviyyədə mən o yubileyə hazırlaşmışdım. Bunun böyük bir arzusundaydım.
2016-cı ildə də cəhd edlədilər ki, məndən könüllü şəkildə ərizəz alsınlar. Bilirdim ki, məqsədyönlü şəkildə kimisə mənim yerimə təyin etmək istəyirlər. Nəhayət 2018-ci ildə məni Nazirliyə dəvət etdilər. Məni inandırdılar ki, heç bir narahatçılıq yoxdur hamıdan ərizə alırıq. Mənə üç ərizə yazdırdılar. Məni müvafiq işlə təmin edəsiniz. Məni işdən azad edəsiniz. Məni yenidən direktor vəzifəmə təyin  edəsiniz. Dedilər ki, narahat olmayın. Siz aktivsiniz, yaxşı işləriniz, layihələriniz var. Bir sözlə məni inandırdılar. Gözləməzdim ki, Mədəniyyət Nazirliyində məni kimi işçini aldatma yolu ilə işdən çıxaralar.
Mən yubileyə 2 il hazırlaşmışdım. Video-slaydlar hazırlamışdım. Mən işdən azad olunandan sonra mənim yerimə gələn şəxs keçirdiyim kütləvi tədbirlərdə olan şəkilləri sildirərək həmin video-slaydı bərbad bir vəziyyətdə nümayiş etdirdi. Mənim Rusiyadan  gələcək 50 qonağım arzusunda idi ki, kitabxananın yubileyində iştirak etsin. 3-4 aydan sonra da həmin şəxsə "Tərəqqi" medalı verdilər. Mənə qarşı bu qədər ədalətsiz, haqsız addım atıldı. 2020-ci ildə mən sabiq nazir Əbülfəz Qarayevin Quba rayonunda səyyar qəbulunda oldum. Mənə irad tutdu ki, niyə vaxtında yanıma gəlməmisən, mənə hər şeyi anlatmamısan. Məndə dedim ki, qəbulunuza düşməyə imkan vermədilər. Mənə ağır gələn o idi ki, yerimə təyin edilən şəxs guya iki kitabxanaya rəhbərlik edirdi. Mən isə işsiz qalmışdım. Hələdə ümidimi üzmürəm.



-Ağdam kitabxanasına hansı kitabları hədiyyə edəcəksiniz?
-Birinci özüm yazdığım kitabları, məqalələri  hədiyyə edəcəyəm. Dissertasiyam ilkin müzakirədən keçib. Onunda materiallarını hədiyyə edəcəyəm.  Mən bu pespublikada yeganə təşkilatçı,peşəkar  kitabxana rəhbəriyəm .



-Deyəsən o vaxtı möhtəşəm bir layihə həyata keçirib oxucularınızı sevindirmisiniz?
Oxucların kitabxanadan istifadə etməsində rəhbərliyin çox böyük rolu var. Ərazimizdə ali məktəblər olduğu üçün biz daha çox dərslik, dərs vəsaitlərinə diqqət yetirirdik. Çünki tələbələrin buna daha çox ehtiyacı var idi. Mən bir layihə həyata keçirdim. Fikirləşdim ki, oxucuların kitabxanaya cəlb edilməsi üçün hansı addımı atmaq lazımdır? Müşfiq adına parkda açıq havada möhtəş bir kitab sərgisi təşkil elədik.O kitablar kitabxanay hədiyyə verilmişdi. Mənim fikrim budur ki, bir kitab rəfdə yatınca qoy oxucu tərəfindən oxunsun.
Açıq havadasərgiyə çıxarılan 631 nüsxə kitabı iştirakçılara hədiyyə verdik. Tələbələr sevincdən göz yaşı axıdırdı. Belə bir layihə heç vaxt Azərbaycanda olmayıbdı.  


- Beynəlxalq tədbirlərdə də böyük işlər görmüsünüz.
-2009-cu ilin aprel ayında  İFRA-nın prezidenti Ellin Tesin Bakıya gəldi. Ebülfəz Qarayevin qəbulunda oldu. Əbülfəz Qarayev onu birbaşa mənim kitabxanama göndərdi. Kitabxanamızın fəaliyyəti ilə tanış oldu. 2011-ci ildə proqrama baxdım ki, Ellin Tesinin çıxışı var. Qərar verdim ki, gedim həm onu görüm, həm də çıxışına qulaq asım. İçəri daxil olanda gördüm ki, artıq çıxış edir. İngilis dilini yaxşı başa düşürdüm. O, çıxışında MDB ölkələrinin adını çəkdi. Dedi ki, o ölkələrdə Afrika ölkələrindən tələbələr oxuyublar. Gözlədim, gördüm ki, Azərbaycanın adını çəkmədi. Mən onun çıxışını kəsmişəm. Ona iki sual vermişəm. Birinci sualım o olub ki, siz 2009-cu ildə Bakıda nazir Əbülfəz Qarayevin qəbulunda, mənim kitabxanamda olmusunuz. Siz həmin günü xatırlayırsınız? İkinci sualım  Siz MDB ölkələrinin adını çəkdiniz, niyə Azərbaycanın adını çəkmədiniz? olub. Dedim siz bilmirsiniz, ya da bilərəkdən Azərbaycanın adını çəkmədiniz. Sizin Neft-kimya sahəsində çalışan Afrika  ölkələri mütəxəssislərinin demək olar ki, 90 faizini   Azərbaycan Neft -Kimya İnstitutu yetişdirib. Şəhərdə gedəndə iki azərbaycanlı qarşımıza çıxanda, üç dənə də Afrikalı çıxırdı.
Krımda təbdirdə olanda mən "Odlar yurdu Azərbaycan"adlı video-slayd nümayiş etdirmişəm. Bu bütün Krımı silkələdi. Ermənilər bir həftə məni rahat buraxmadılar. O vudeo-slaytda təbii ki 20 Yanvar, Xocalı, 31 mar soyqırımı, Azərbaycanın kulinariyası, musiqi alətləri, xalçaçılıq sənəti, aşıq poeziyası, turizm gözəllikləri əks olunmuşdu. Saat yarım o video-slayd  nümayiş etdirildi. O tədbirdə ermənilər, amanlar, ərəblər, fransızlar,türklər və s. millətlər iştirak edirdilər.
2007-ci ildə Anapada çıxış edirdim. Çıxışım Azərbaycanda aparılan iqtisadi islahatlar, ulu öndər tərəfindən Bakı-Tiblisi-Ceyhan neft kəmərinin çəkilməsi barədə idi. Mənim mikrafonumu söndürdülər. Mən təmkinimi pozmadım, çıxışımı davam etdirdim. İşığı söndürdülər. Axırda məni priziduma çağırdılar, çıxışımı davam etdirdim. Nəhayət işığı yandırdılar. Bu beynəlxalq konfranslarda mən Azərbaycanı layiqincə təmsil etmişəm.
Azərbaycandan 21 nəfər idik. Krım Tatar Respublikası bizdən xahiş etdi ki, Türk dünyasının aşığı aşıq Ömərin anadan olmasının 390 illik yubileyi ilə əlaqədar  biriniz o tədbirdə çıxış edək, protokola salınsın. Heç kəs yaxın durmadı. İnternetdən iki səhifə yarım Azərbaycan aşıq sənəti, aşıq poeziyası haqda rus dilində sənəd çıxardım. Mən orda çıxış elədim. Səhəri gün mənə dedilər ki, artıq çıxış mətbuatda çap olunub. Onlar mənə Təşəkkürnamə verdilər. Krasnadar Vilayətinin Mədəniyyət Nazirliyi tərəfindən mənə Təşəkkürnamə verilib.


-Eşitdiyimizə görə sizin tədbirləriniz həmişə möhtəşəm, səviyyəli olub.
Dəfələrlə Baş Prokurorluqla, Respublika Veteranları və digər qrumlarla günlə səsləşən tədbirlər keçirmişik.
2008-ci ildə millət vəkili Elmira Axundova ulu öndər haqqında Şəxsiyyət və Zaman" kitabını yazmışdı. O kitabın təqdimatını mən keçirmişəm.  Mehriban Əliyevaya hərs olunmuş  müəllifi Əli Eyvazov olan "Humanizm və xeyirhaqlıq missiyası" kitabının təqdimatı da mənim adımla bağlıdı.  O tədbirdə səfirlər, millət vəkilləri və digər rəhbər şəxslər olublar.  
18 qeyri-hökumət təşkilatlarının, Mədəniyyət Nazirliyinin  Fəxri Fərmanlarını almışam.

Namiq MƏMMƏDLİ,
Sabaha-inamla.az xəbər portalının baş redaktoru
               Tahir Sadıqov Namiq MƏMMƏDLİ ilə


Baxış sayı: 1 250


Bölməyə aid digər xəbərlər