Bütün xəbərlər
Tarix yazan sərkərdə, doğum gününüz mübarək!
Tarix: 24-12-2020 17:29 | Bölmə: Gündəm


    Bu gün qalib dövlətin, qalib Prezidenti İlham Əliyev cənablarının doğum günüdür. Bizdə özümüzə borc bildik ki, hörmətli Prezidentimiz haqqında xoş sözlər yazaq, ürək sözlərimizi, təbrikimizi ona-qəhrəmanımıza  mətbuat vasitəsilə çatdıraq.
      İlham Əliyevin güclü intuitsiyası, mühakimə qabiliyyəti, cəsarəti, qətiyyəti, sözünün üstündə durmağı, verdiyi vədə yüksək səviyyədə əməl etməyi, istedadı, iti ağılı və digər müsbət keyfiyyətləri  hər bir vəziyyətdə optimal qərar qəbul etməyə imkan verir.
Heç şübhəsiz ki, bu müsbət keyfiyyətinolmasında Ulu öndərin böyük rolu var. Necə deyərlər: "Ot kökü üstə bitər".
     Prezident İlham Əliyev Azərbaycan xalqının dahi oğlu Heydər Əliyevin demokratik, hüquqi və dünyəvi dövlət quruculuğu siyasətini uğurla davam etdirir. Prezident İlham Əliyev ölkədə insan haqları və azadlıqlarının daha dolğun təmin olunmasını daim diqqət mərkəzində saxlayır. O, Heydər Əliyevin Azərbaycan xalqının milli-mənəvi dəyərlərinin qorunub saxlanılması və daha da inkişaf etdirilməsi kursunu uğurla həyata keçirir.


   "Hər bir güclü kişinin arxasında güclü bir qadın dayanır". Bu bir həqiəqtdir. Onun Mehriban Əliyeva kimi həyat yoldaşı, silahdaşı var. Mehriban xanım  Azərbaycan Respublikasının birinci vitse prezidentidir.  Uzun illərdir ki, Heydər Əliyev Fonduna rəhbərlik edir. Fondun uğurlu fəaliyyəti, həyata keçirdiyi böyük layihələr bilavasitə Mehriban xanımın adı ilə bağlıdır.
    Hörmətli Prezidentimizi həmişə işğal altında olan torpaqlarımız  narahat edib. O, Dağlıq Qarabağdan danışarkən belə demişdi: " Heç bir ölkə bu qondarma qurumu tanımayıb və əminəm ki, heç vaxt tanımayacaq. Tarixi əsaslar da bizim mövqeyimizi gücləndirir. Çünki Dağlıq Qarabağ bizim əzəli, tarixi torpağımızdır. Beynəlxalq təşkilatların qərar və qətnamələri həm hüquqi, həm siyasi əsasları möhkəmləndirir. Münaqişənin həlli ilə bağlı bizim mövqeyimiz üstünlük təşkil edir, xüsusilə indiki şəraitdə. Dünyanın müxtəlif yerlərində, eyni zamanda, Avropada separatizm meyilləri artır. Avropa da görür ki, separatizm nə dərəcədə təhlükəli meyildir. Biz isə təcavüzkar separatizmlə üzləşmişik. Ona görə bütövlükdə münaqişələrlə bağlı dünyada gedən proseslər, yanaşma bizim mövqeyimizi daha da möhkəmləndirir. Təsadüfi deyil ki, keçən ilin noyabrında Avropa İttifaqının Şərq Tərəfdaşlığı Zirvəsində qəbul edilmiş qətnamə Şərq Tərəfdaşlığına üzv ölkələrin suverenliyini, ərazi bütövlüyünü, müstəqilliyini birmənalı şəkildə dəstəkləmişdir. Deyə bilərəm ki, ilk dəfə olaraq, bax, bu formada qətnamə qəbul edilmişdir. Bu, Ermənistan üçün növbəti zərbə, onların növbəti məğlubiyyəti idi və bizim növbəti qələbəmiz idi. Əslində bu, haqq-ədalətin növbəti qələbəsi idi".
    İlham Əliyev cənabları Ermənistanı beynəlxalq layihələrdən hansı səbəbə görə mərhum etmələrini  belə əsaslandırmışdı:"O ki qaldı, Ermənistana, indi hər kəs görür ki, bu ölkə öz işğalçılıq siyasətinin girovuna, qurbanına çevrilib. Biz onları demək olar ki, bütün beynəlxalq layihələrdən təcrid etmişik, bütün enerji və nəqliyyat xətləri onlardan yan keçir və bunu biz etmişik. Baxmayaraq ki, bu, o qədər də asan məsələ deyildi. Əfsuslar olsun ki, dünyadakı ermənipərəst qüvvələr, erməni lobbisi və erməni pullarına satılmış bəzi siyasətçilər daim çalışırlar ki, Ermənistanı da bizim təşəbbüsçüsü olduğumuz layihələrin tərkibinə daxil etsinlər. Biz həmişə buna çox ciddi etiraz etmişik, təşəbbüsümüzlə həyata keçirilən layihələr Ermənistanı tamamilə kənarda qoymuşdur. Həm Bakı-Tbilisi-Ceyhan, Bakı-Tbilisi-Ərzurum, Cənub Qaz Dəhlizi, Bakı-Tbilisi-Qars layihələri onlardan yan keçmişdir. Bizim siyasətimizə görə, Şimal-Cənub Nəqliyyat Dəhlizi də onlardan yan keçəcəkdir. Biz bunu gizlətmirik. Baxmayaraq, bəziləri çalışırlar bizi ittiham etsinlər ki, biz onları təcriddə saxlayırıq. Bəli, saxlayırıq və saxlayacağıq. O vaxta qədər ki, torpaqlarımız işğaldan azad olunsun. Bu siyasət öz nəticələrini verməkdədir. İndi heç kim Ermənistana sərmayə qoymur. Çünki, birincisi, orada hakimiyyəti zəbt etmiş kriminal, korrupsioner, qaniçən rejim imkan vermir ki, sərmayə qoyulsun, əvvəllər qoyulan və ianə şəklində verilən bütün pullar rejim tərəfindən oğurlanmışdır. Digər tərəfdən, bazarın məhdudluğu və azalan bazar imkan vermir ki, ciddi investor oraya gəlsin və ixrac imkanları da çox məhduddur. Çünki ixrac üçün yollar olmalıdır, yollar olsa da, yenə də tam investisiya cəlb edilməsi üçün şərait yaratmır. Əlbəttə ki, bunu böyük dərəcədə edən məhz biz olmuşuq və bu siyasəti davam etdirəcəyik. Onların özlərinin son statistik məlumatlarına görə, keçən il ölkəni 40 mindən çox insan həmişəlik tərk edib və bu tendensiya hər il gedir və gedəcəkdir. Beləliklə, orada demoqrafik böhran yaşanır. Bizim səylərimiz nəticəsində Ermənistan siyasi, iqtisadi, enerji, nəqliyyat dalanına çevrilib və əlbəttə ki, bu ölkənin gələcək inkişafı çox qaranlıqdır".
           Dekabrın 24-ü  Prezidenti İlham Əliyevin 59 yaşı tamam olur.  Cənab Prezident hər il doğum gününü qaçqınlar, köçkünlər,şəhid ailələri,əsgərlərlə bir yerdə qeyd edirdi. Sosial şəbəkədəki kadrlardan görünür ki, bu dəfə də Prezidentimiz doğum  günü işğaldan azad olunmuş torpaqlarda, onların sakinləri ilə görüşdədir.
Ali Baş Komandanımız verdiyi vədə əməl edərək, azğınlaşmış düşməni geri çəkilməyə, təslim olmağa məcbur etdi. 44 günlük Vətən müharibəsi müddətində Prezidentimiz xalqımızın birliyi, şanlı ordumuzun gücü -dəmir yumruğu ilə  vətənimiz üçün misli görünməmiş Qələbəyə imza atdı. Xalqın Xilaskarına,Qəhrəmanına,Sevimlisinə çevrilərək adını tarixə qızıl həriflərlə yazdırdı.
    Cənab Prezidenti doğum günü münasibətilə səmimi qəlbdən  təbrik edir,  can sağlığı Azərbaycanda yeni dövrün başlanğıcındakı inkişaf yollarında yeni- yeni uğurlar arzulayırıq!
Sizi bu dunyaya bəxş edən Allaha şükürlər olsun.Sizə bu  səviyyəni, həyatı, insanlığı, biliyi, elmi öyrədən Ataya, Anaya Allah rəhmət eləsin deyirik.  Yaşasın Azərbaycanın igid qəhraman övladları.Yasasin böyük türk dünyası.Yaşasın cənab İlham Əliyevin uzaqgörən siyasəti.Yaşasın cənab İlham Əliyev məktəbi!
Sevinc Həmzəyeva



Baxış sayı: 3 080


Bölməyə aid digər xəbərlər
7-02-2024, 19:00 Səsvermə başa çatdı