Bütün xəbərlər
Finlandiya İsveç olmadan NATO-ya daxil olmaq istəmir
Tarix: 30-01-2023 14:25 | Bölmə: Dünya

Türkiyə lideri Rəcəb Tayyib Ərdoğan belə bir ehtimala eyham vursa da, Finlandiya hələ də İsveçdən ayrı NATO-ya daxil olmaq niyyətində deyil.
 Sabaha-inamla.az rus mətbuatına istinadən xəbər verir ki, Finlandiya prezidenti Sauli Niinistö bu barədə "Helsingin Sanomat" qəzetinə müsahibəsində bildirib. O, türkiyəli həmkarının şərhlərini Ankaranın “dəyişkən ritorikasının” nümunəsi adlandırıb.
O, həmçinin xatırladıb ki, Türkiyə iki şimal Avropa ölkəsinin NATO-ya üzvlüyünə mane olmaqla, keçən il Helsinki və Stokholm planlarının açıqlanmasından sonra dəfələrlə mövqeyini dəyişib. Eyni zamanda, Niinistö bildirib ki, Finlandiya prezidentinin ofisinin və ölkənin Xarici İşlər Nazirliyinin nümayəndələri artıq türkiyəli həmkarları ilə Ərdoğanın bazar günü verdiyi bəyanatı müzakirə ediblər.
Siyasətçi vurğulayıb ki, Finlandiya İsveçin alyansa daxil olmasından faydalanacaq: ölkələr öz müdafiə siyasətini birgə planlaşdıra və müvafiq infrastrukturu inkişaf etdirə biləcəklər. Ona görə də İsveçlə ittifaqa eyni vaxtda daxil olmaq respublika üçün vacibdir.
Yeni ölkələrin NATO-ya daxil olması alyansın bütün üzvləri tərəfindən təsdiqlənməlidir. Türkiyə ötən ildən bəri terrorçu hesab etdiyi Kürdüstan Fəhlə Partiyasının nümayəndələrinin ekstradisiyasını tələb edərək İsveç və Finlandiyanın ölkəyə girişini ratifikasiya etməyib. Türkiyənin Stokholmdakı diplomatik nümayəndəliyində Quranın yandırılması ilə bağlı insidentdən sonra münaqişə daha da böyüyüb.


Baxış sayı: 137


Bölməyə aid digər xəbərlər