Bütün xəbərlər
Argentinada helikopter təhlükəli manevr nəticəsində çaya düşüb
Tarix: 28-11-2023 15:37 | Bölmə: Digər

Argentina mətbuatı xəbər verir ki, "Robinson R66" helikopteri Argentinanın şərqindəki Rosario şəhərində Parana çayına düşüb, nəticədə 71 yaşlı pilot ölüb, 3 sərnişin isə yaralanıb.
Sabaha-inamla.az rus mətbuatına istinadən xəbər verir ki, hadisə noyabrın 27-də baş verib. Şahidlərin sözlərinə görə, vertolyot çayın üzərində çox aşağı uçub və çox riskli manevrlər edib, onlardan biri Rosario Viktoriya körpüsü ərazisində suyun səthi ilə toqquşması ilə nəticələnib.
Pilot Qustavo Degliantoni zərbədən dünyasını dəyişib. Onunla birlikdə olan 63-76 yaşlı sərnişinlər xəsarət alıb və yaxınlıqdakı xəstəxanaya yerləşdiriliblər.
Mərhumun tanınmış iş adamı və turizm şirkətinin keçmiş pilotu olduğu bildirilir.


Baxış sayı: 83


Bölməyə aid digər xəbərlər