Bütün xəbərlər
"Barselona" Qavinin zədəsinə görə FİFA-dan 4 milyon avrodan çox pul ala bilər
Tarix: 20-11-2023 15:34 | Bölmə: Digər

İspaniya - Gürcüstan matçında "Barselona"nın yarımmüdafiəçisi Qavi zədələnib.
Sabaha-inamla.az rus mətbuatına istinadən xəbər verir ki, Beynəlxalq Futbol Federasiyası kataloniyalılara futbolçu itkisinə görə kompensasiya ödəyəcək.
"Mundo Deportivo"-nun məlumatına görə, “blauqrana” FİFA-dan 3-4,5 milyon avro ala bilər. Hər şey oyunçunun sağalma vaxtından asılı olacaq.
Gürcüstan yığması ilə görüşün 26-cı dəqiqəsində Qavi əvəzlənib. Daha sonra məlum olub ki, yarımmüdafiəçi sağ dizinin çarpaz bağını qoparıb. "Barselona"nın futbolçusu bu mövsüm bir daha oynamayacaq. İlkin bərpa müddəti 6 aydan 8 aya qədərdir.
Xatırladaq ki, İspaniya millisi 2024-cü il Avropa çempionatının seçmə qrup mərhələsində birinci yeri tutaraq Gürcüstan futbolçularını 3:1 hesabı ilə məğlub edib.


Baxış sayı: 80


Bölməyə aid digər xəbərlər