22:20 / 15-05-2022
Tramp tviterə qayıtmayacaq
16:05 / 15-05-2022
Renat İbrahimov vəfat edib
Pilot huşunu itirdi, təyyarəni sərnişin endirdi
Tarix: 12-05-2022 14:14 | Bölmə: Digər

                   Pilot huşunu itirdi, təyyarəni sərnişin endirdi



ABŞ-da uçuş aparatlarının idarə edilməsi ilə bağlı heç bir təcrübəyə malik olmayan sərnişin təyyarənin qəzaya düşməsinin qarşısını alıb.
“Qafqazinfo” xəbər verir ki, bu barədə “CNN” məlumat yayıb.
Məlumata görə, insident Baham adalarının Beynəlxalq Hava Limanından Floridaya uçan “Cessna” tipli yüngülmühərrikli təyyarədə baş verib. Belə ki, təyyarə təyinat nöqtəsindən təxminən 112 kilometr şimalda olarkən pilot huşunu itirib. Bu zaman sərnişinlərdən biri dərhal vəziyyət barədə aviadispetçerə məlumat verib. O isə, öz növbəsində sərnişinə təyyarəni necə yerə endirə biləcəyi barədə göstərişlər verməyə başlayıb.
Nəticədə sözügedən sərnişin təyyarəni Floridada Palm-Biç Beynəlxalq Hava Limanında yerə endirməyi bacarıb. Pilot isə xəstəxanaya yerləşdirilib. Hazırda məsələ ilə bağlı araşdırma aparılır.


Baxış sayı: 51


Bölməyə aid digər xəbərlər