Milli Məclisin deputatı vətəndaşların şikayətlərini dinləyib
Tarix: 30-04-2022 16:31 | Bölmə: Cəmiyyət

    Milli Məclisin deputatı Könül Nurullayeva həftə ərzində Nizami rayonu sakinləri, eləcə də Azərbaycanın digər bölgələrində yaşayan vətəndaşlarımız tərəfindən edilən müraciətlər əsasında növbəti vətəndaş qəbulunu keçirib.
    Millət vəkili Könül Nurullayeva görüş zamanı vətəndaşlarımızı fərdi formada dinləyərək, müxtəlif mövzular üzrə onları narahat edən problemləri qeydiyyata götürüb. Deputat qərargahından verilən məlumata görə, görüşdə qəbul iştirakçıları tərəfindən səsləndirilən əsas problemlər sırasında işlə təmin olunma, vətəndaşın Nizami rayonunda futbol stadionunun tikilməsi ilə bağlı təklifi, aztəminatlı ailənin qarşılaşdığı məişət problemləri, xəstəlikdən əziyyət çəkən vətəndaşın müalicəsi üçün maddi yardımın göstərilməsi və s. bu kimi məsələlər başlıca yer almışdır.      Qəbulun sonunda isə Milli Məclisin deputatı Könül Nurullayeva görüş iştirakçılarının diqqətinə çatdırıb ki, qeydiyyata götürülmüş müraciətlər ən yaxın zamanda aidiyyəti üzrə müvafıq qurumlara ünvanlanacaqdır.

Sabaha-inamla.az
















Baxış sayı: 102


Bölməyə aid digər xəbərlər