Tehran Mənsimov anım günündə şəhidin ailəsinə zəng vurdu
Tarix: 01-11-2021 17:24 | Bölmə: Cəmiyyət

                       Tehran Mənsimov anım günündə şəhidin ailəsinə zəng vurdu


Bu gün Vətən müharibəsi şəhidi, XTQ döyüşçüsü Babək Mahmudlunun anım günüdür.
“Qafqazinfo” xəbər verir ki, anım mərasimində rayon rəsmiləri, şəhidin ailə üzvləri iştirak edib. Qəhrəman şəhidimizin yaşadığı evin qarışında vurulan xatirə lövhəsinin açılışından sonra onun məzarı ziyarət olunub.
Şəhidimizin anım günündə Babəkin komandiri, polkovnik Tehran Mənsimov da telefon bağlantısı ilə onun valideynlərinə başsağlığı verib. Peşəkar snayperin rəşadətindən, igidliyindən geniş danışıb.
Qeyd edək ki, B. Mahmudlu 1995-ci il noyabrın 27-də Biləsuvar şəhərində anadan olub, ailənin yeganə oğul övladı olub. Naxçıvan Muxtar Respublikasının Xüsusi Təyinatlı Qüvvələrində xidmət üçün imtahanlardan uğurla keçərək müddətdən artıq hərbi qulluqçu kimi vətənə ximətini davam etdirib. Naxçıvandan döyüş meydanına könüllü olaraq yollanan Babəkin Cəbrayıldan başlayan döyüş yolu Zəngilana, Qubadlıyadək uzanıb. O, Şuşa uğrunda gedən döyüşlərdə şəhid olub. 
B. Mahmudlu “Vətən uğrunda”, “Şuşanın azad olunmasına görə”, “Füzulinin azad olunmasına görə”, “Xocavəndin azad olunmasına görə” medalları ilə təltif olunub.







Baxış sayı: 103


Bölməyə aid digər xəbərlər