Şəhid atası: "Gözümüz yollarda, səni gözlədik, sən qayıtmadın"-VİDEO-Sabaha-inamla.az-da
Tarix: 14-10-2021 01:59 | Bölmə: Cəmiyyət


Sumqayıt şəhərində şəhidlik zirvəsinə ucalmış Abdulla Əhmədovun ildönümü mərasimi keçirilib.
Mərasimdə şəhid ailələri, qazilər, Sumqayıt şəhər İcra Hakimiyyətinin rəhbər şəxsləri, ictimayyət nümayəndələri, ziyalılar, jurnalistlər iştirak ediblər.
Sabaha-inamla.az tədbirdən çəkilən videoları tamaşaçıların diqqətinə çatdırır:
                           
Abdulla Əhməd oğlu Əhmədov 2002-ci il martın 12- də Sumqayıt şəhərində anadan olub. Subay idi.
Azərbaycan Ordusunun əsgəri olan Abdulla Əhmədov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa

                         
olunması üçün başlanan Vətən müharibəsi zamanı Talışın azadlığı uğrunda gedən döyüşlərdə savaşıb. Abdulla Əhmədov sentyabrın 29-da Talış istiqamətində şəhid olub. Sumqayıt şəhərinin Şəhidlər Xiyabanında dəfn olunub.
                        
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Abdulla Əhmədov ölümündən sonra "Vətən uğrunda" medalı ilə təltif edildi.
Namiq MƏMMƏDLİ
Sabaha-inamla.az                        




Baxış sayı: 139


Bölməyə aid digər xəbərlər