Sumqayıtda “Gənc Müəllimlərin Layihə İdarəçiliyi” mövzusunda təlim keçirildi
Tarix: 11-09-2021 11:41 | Bölmə: Sosial


Sumqayıt şəhər Gənclər və İdman Baş İdarəsi, Təhsil Şöbəsi nəznində Gənc Müəllimlər Şurasının birgə təşkilatçılığı ilə mövcud pandemiya qaydalarına uyğun olaraq beynəlxalq təlimçi Ramil Süleymanovun təqdimatında “Gənc Müəllimlərin Layihə İdarəçiliyi” mövzusunda
iki günlük təlim keçirilmişdir.
Təlimin məqsədi gənc müəllimlərin qrant müsabiqələrində layihə yazılışı və layihə idarə edilməsi istiqamətində biliklərinin artırılması olmuşdur.
Təlim zamanı gənc müəllimlərə layihə anlayışı nədir, problemin təsviri, layihənin məqsədi, vəzifələri və uğur göstəriciləri, layihədən faydalananlar və hədəf qrupları, görüləcək işlər, icra müddəti və icra planı, gözlənilən nəticələr, layihənin monitorinqi və davamlılığı mexanizmi barədə peşəkar biliklər verilmişdir.
Təlim prosesində iştirakçılarla praktik məşğələlər aparılmış, iştirakçıların sualları cavablandırılmışdır.
Sonda fəal iştirakçılara sertifikat və hədiyyələr təqdim edilmişdir.

Sabaha-inamla.az







Baxış sayı: 59


Bölməyə aid digər xəbərlər