Bütün xəbərlər
ABŞ pilotsuz təyyarəsini zərərsizləşdirən Su-27 pilotları mükafatlara təqdim edilib
Tarix: 17-03-2023 13:35 | Bölmə: Siyasət


Rusiyanın müdafiə naziri Sergey Şoyqu Amerika pilotsuz təyyarəsinin xüsusi əməliyyat zonasının sərhədlərini pozmasının qarşısını alan "Su-27" qırıcı pilotlarını dövlət mükafatlarına təqdim edib.
Sabaha-inamla.az rus mətbuatına istinadən xəbər verir ki, hadisə martın 14-də səhər saatlarında Qara dəniz üzərində Krım yarımadası ərazisində baş verib. Amerikanın kəşfiyyat və zərbə vuran pilotsuz təyyarəsi "MQ-9" Reaper transponderi söndürülmüş halda Rusiya dövlət sərhədinə doğru irəliləyirdi. Ona doğru "Su-27" qırıcıları havaya qaldırılıb. Pilotsuz təyyarə kəskin manevr etməyə başlayıb, idarəetməni itirib və suya düşüb. Rusiya Müdafiə Nazirliyi bildirib ki, pilotsuz təyyarəyə qarşı heç bir silahdan istifadə edilməyib.
Rusiya hərbi idarəsi onu da vurğulayıb ki, xüsusi əməliyyatla bağlı xüsusi rejimin qüvvədə olduğu ərazinin sərhədləri beynəlxalq hava məkanının bütün istifadəçilərinə çatdırılıb və beynəlxalq standartlara uyğun dərc olunub.


Baxış sayı: 135


Bölməyə aid digər xəbərlər