Bütün xəbərlər
Kəşfiyyatçı leyetenant Vüsal Muradovun ikinci ildönümü keçirilib-VİDEO+FOTOLAR
Tarix: 02-11-2022 12:59 | Bölmə: Reportaj
Baş redaktor Namiq MƏMMƏDLİ

Sumqayıt şəhərində "Büllur" mərasim evində şəhidlik zirvəsinə ucalmış kəşfiyyatçı leyetenant Vüsal Muradovun ikinci ildönümü keçirilib.
Tədbirdə şəhid ailələri, qazilər, ictimayyət nümayəndələri, Sumqayıt şəhər və Ağdam rayon İcra Hakimiyyətlərinin məsul şəxsləri iştirak ediblər.
Tədbirdə çıxış edən ilahiyyatçı Hacı Sahib şəhidlər haqda belə deyib: "Şəhidlik dünya həyatının gözəl sonluğu deməkdir. Həyat şəhid üçün xüsusi şəkildə davam edir.Belə məclislərin zinəti elə şəhidin öz ruhu,nurudur ki, biz onun ətrafına toplaşmışıq.Onun üçün nə dua etsək,nə arzulasaq şəhidin xatirinə özümüzə qayıdır. Şəhid sorğu-sualsız cənnətə gedən şəxsdir. Kimlərsə şəhidin xatirəsini əziz tutubsa, onun məramını amalını yaşadıblarsa onlar şəhidlərlə birlikdə cənnəət daxil olacaqlar. Allah-tala birdə müharibəni xalzımıza göstərməsin. Düşmənlərimizi xar,zəlil eləsin".
Tədbirdə şəhid Abdulla Əhmədovun atası Hacı Əhməd şeir söyləyib.




               

Vüsal Cəsarət oğlu Muradov 1999-cu il mayın 19-da Sumqayıt şəhərində anadan olub. Əslən Ağdam rayonundan idi. 2017-ci ildən Heydər Əliyev adına Azərbaycan Ali Hərbi Məktəbində (AAHM) təhsil alırdı. IV sinif Kursantı idi. 2020-ci ilin sentyabrda Vətən müharibəsinin başlaması ilə bağlı "kiçik leytenant" rütbəsi ilə müharibəyə yollandı. Subay idi.
Azərbaycan Ordusunun kiçik leytenantı olan Vüsal Muradov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Xocavəndin azadlığı uğrunda gedən döyüşlərdə savaşıb. Vüsal Muradov oktyabrın 29-da Xocavənd döyüşləri zamanı şəhid olub. Sumqayıt şəhərinin Şəhidlər Xiyabanında dəfn olunub.


                        
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Vüsal Muradov ölümündən sonra "Vətən uğrunda" medalı ilə təltif edildi.
Azərbaycan ərazilərinin işğaldan azad olunması zamanı döyüş tapşırıqlarını uğurla yerinə yetirdiyinə, düşmənin əsas qruplaşmalarının məhv edilməsi ilə qoşunların döyüş qabiliyyətinin qorunub saxlanılmasında fərqləndiyinə görə Azərbaycan Prezidenti İlham Əliyevin 18.12.2020-ci il tarixli Sərəncamına əsasən Vüsal Muradov ölümündən sonra "Cəsur döyüşçü" medalı ilə təltif edildi.
Azərbaycanın Xocavənd rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən Vüsal Muradov ölümündən sonra "Xocavəndin azad olunmasına görə" medalı ilə təltif edildi.


Namiq MƏMMƏDLİ
Sabaha-inamla.az





















Baxış sayı: 499


Bölməyə aid digər xəbərlər