Bütün xəbərlər
Adil Rzayevin şəhid olduğu gün keçirilib-VİDEO+FOTOLAR
Tarix: 20-10-2022 23:50 | Bölmə: Reportaj
Baş redaktor Namiq MƏMMƏDLİ Hacı Əhmədlə


   Sumqayıtda şəhidlik zirvəsinə ucalmış Adil Rzayevin şəhid olduğu gün keçirilib.
    Əvvəlcə şəhid ailələri, qazilər, ictimayyət nümayəndələri şəhidin məzarını ziyarət ediblər.
Sonra Sumqayıt satansiyası massivindəki "Park-kafe" mərasim evində onun şərəfinə ehsan verilib.
Sumqayıt şəhər İcra Hakimiyyətinin şöbə müdiri Tərlan Hacızadə, Sumqayıt şəhər H.Z.Tağıyev qəsəbəsi üzrə icra nümayəndəsi Lalə Hacıyeva iştirak ediblər. 
    Tədbirdə şəhid Abdulla Əhmədovun atası Hacı Əhməd şeir söyləyib.

                         

Rzayev Adil Akif oğlu 1999-cu il avqustun 20-də Qobustan rayonunun Xilmilli kəndində anadan olub. 
    Adil Rzayev sentyabrın 21-də Səfərbərlik və Hərbi Xidmətə Çağırış üzrə Dövlət Xidməti çağırışı ilə cəbhəyə yolanır. Öncə isə bir neçə gün Qusarda təlim keçir. O, Vətən müharibəsində torpaqlarımızın işğaldan azad olunmasında igidlik göstərərək Füzuli, Cəbrayıl, Xocavəndin azad olunması uğrunda gedən döyüşlərdə iştirak edib.

   Oktyabr ayının 20-də Xocavənd istiqamətində ağır döyüşlərdən birində qəhrəmancasına həlak olub, şəhidlik məqamına ucalıb…Ancaq uzun müddət şəhidin nəşini əldə etmək mümkün olmayıb…
      Noyabrın 30-da Sumqayıt şəhərindəki Şəhidlər Xiyabanında dəfn edilib.
      Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Adil Rzayev ölümündən sonra "Vətən uğrunda" medalı ilə təltif edildi.
Azərbaycanın Xocavənd rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin Sərəncamına əsasən Adil Rzayev ölümündən sonra "Xocavəndin azad olunmasına görə" medalı ilə təltif edildi.


Namiq MƏMMƏDLİ
Sabaha-inamla.az


























Baxış sayı: 244


Bölməyə aid digər xəbərlər