Bütün xəbərlər
XTQ kəşfiyyatçısı Nadir Rzayevin şəhid olduğu gün keçirildi-VİDEO+FOTOLAR
Tarix: 15-10-2022 23:55 | Bölmə: Reportaj



Şəhidin döyüş yoldaşı:"Nadir öz silahı ilə səhərə qədər düşmənin 12 tankının qarşısını kəsən bir adam olub"

               
     Sumqayıtda "Büllur" mərasim evində şəhidlik zirvəsinə ucalmış XTQ kəşfiyyatçısı Nadir Rzayevin şəhid olduğu gün keçirilib.
Tədbirdə şəhid ailələri, qazilər, ictimayyət nümayəndələri, şəhidin oxuduğu məktəbin şagirdləri,jurnalistlər, Müdafiə Nazirliyinin əməkdaşları və şəhidin döyüş yoldaşları iştirak ediblər. 

               
Şəhidin döyüş yoldaşı Xanlar Məmmədəliyev çıxışında belə deyib: "Nadir öz silahı ilə səhərə qədər düşmənin 12 tankının qarşısını kəsən bir adam olub.Bizim bölməmizi mühasirədən çıxarmış həqiqi hərbi qulluqçu idi.Onlar elə bir şücaət göstəriblər ki, danışmaqla qurtaran deyil". 

                            
      Nadir Rzayev 18 noyabr 1994-cü ildə Sumqayıt şəhərində anadan olmuşdur. 2001-2012-ci illərdə Sumqayıt şəhər 17 saylı tam orta məktəbdə təhsil almışdır.
    Nadir Rzayev 2012-ci ildə Azərbaycan Silahlı Qüvvələrinin sıralarında hərbi xidmətdə olmuşdur. O, 2014-cü ildən artıq Xüsusi Təyinatlı Dəstələrin tərkibində müddətdən artıq həqiqi hərbi xidmət qulluqçusu idi.

               


Azərbaycan Ordusunun əsgəri olan Nadir Rzayev 2020-ci il sentyabrın 27-dən Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsində iştirak

                         
etmişdir. Füzulinin və Cəbrayılın azadlığı uğrunda gedən döyüşlərdə vuruşmuşdur. Nadir Rzayev 15 oktyabr 2020-ci ildə Füzuli rayonu istiqamətində döyüş tapşırığının yerinə yetirilməsi zamanı həlak olmuşdur.

                           


Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin Sərəncamına əsasən Nadir Rzayev ölümündən sonra "Vətən uğrunda", "Füzulinin azad olunmasına görə" medalları ilə təltif edildi.

Namiq MƏMMƏDLİ
Sabaha-inamla.az







Baxış sayı: 514


Bölməyə aid digər xəbərlər