Bütün xəbərlər
Hacı Rauf Sərdarov: "Abdulla və onun kimi qəhrəmanların sayəsində biz o zəfəri əldə edə bildik "
Tarix: 05-10-2022 22:32 | Bölmə: Reportaj
Baş redaktor Namiq MƏMMƏDLİ


Sumqayıt şəhərində Corat qəsəbəsində yaşamış,şəhidlik zirvəsinə ucalmış Abdulla Əhmədovun şəhid olduğu gün münasibətilə tədbir keçirilib.
    Tədbirdə şəhid ailələri, qazilər, Sumqayıt şəhər İcra Hakimiyyətinin məsul şəxsləri, din xadimləri, ictimayyət nümayəndələri,jurnalistlər iştirak ediblər.
   

    Tədbirdə dövlət himni səslənib, şəhidlər bir dəqiqəlik sükutla yad edilib, Quran oxunub. Eləcədə vətənpərvər mahnılar səsləndiirlib.
     Şəhidin atası Hacı Əhməd oğluna həsr etdiyiı şeirlərini oxuyub.


                       

    Tədbirdə çıxış edən Abşeron, Sumqayıt, Xızı bölgə qazısı Hacı Rauf Sərdarov belə deyib:"Bu millətən sevinc xəbərini sizin balalarınız gətirdilər. Biz sizə borcluyuq. Sizin qarşınızda baş əyirik. Sizin övladlarınız cənnət quşlarıdır. Mələklərlə, Peyğəmbərlərlə, imamlarla,övliyalarla bir yerdədir. Qiyamət günü bizim şəfaətçimizdir. Abdulla və onun kimi qəhrəmanların sayəsində biz o zəfəri əldə edə bildik. Bu gün başı dik gəzirik sizin övladlarınıızn gücü-qüvvəsi sayəsində.Siz onlara tərbiyə vermisiniz. Onları vətənpərvər böyütmüsünüz. Hər bir peşə sahibinin borcudur ki, tək anım günlərində yox, hər bir gündə, hər bir saatda şəhid ailələrinin yanında ola. Əvvəl torpaqlarımızın düşmən tapdağından azad olunması üçün dualar edirdiksə, indi şəhidlərimiz, onların validynləri üçün edirik.Bu gün Şükür Allah, Şuşadan əzan səsi gəlir. Orda namaz qılınır, Quran oxunur. Bayrağımız dalğalanır. İnşallah tez bir zamanda sizlərlə bir yerdə gedək oranı ziyarət edək,orda dualar edək".

   
    Abdulla Hacı Əhməd oğlu Əhmədov 2002-ci il martın 12-də Sumqayıt şəhərində anadan olub.
     Azərbaycan Ordusunun əsgəri olan Abdulla Əhmədov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Talışın azadlığı uğrunda gedən döyüşlərdə savaşıb. Abdulla Əhmədov sentyabrın 29-da Talış istiqamətində şəhid olub. Sumqayıt şəhərinin Şəhidlər Xiyabanında dəfn olunub.


             


    Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Abdulla Əhmədov ölümündən sonra "Vətən uğrunda" medalı ilə təltif edildi.
     Azərbaycanın Suqovuşan qəsəbəsinin işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.06.2022-ci il tarixli Sərəncamına əsasən Abdulla Əhmədov ölümündən sonra "Suqovuşanın azad olunmasına görə" medalı ilə təltif edildi.


Namiq MƏMMƏDLİ
Sabaha-inamla.az


























Baxış sayı: 282


Bölməyə aid digər xəbərlər