Sərhədçi İdman Olimpiya Mərkəzində “Qarabağ Zəfər gecəsi” kikboksinq turniri təşkil edilmişdir-Adil Əliyev həmin tədbirdə çıxış edib
Tarix: 03-07-2022 12:00 | Bölmə: Reportaj

    Sərhədçi İdman Olimpiya Mərkəzində Azərbaycan, Türkiyə, Özbəkistan və İranın məşhur kikboksinqçiləri arasında “Qarabağ Zəfər gecəsi” kikboksinq turniri təşkil edilmişdir.
    İdman ictimaiyyətinin, qazilərin, eləcə də idman sevərlərin iştirakı ilə başlayan yarışda ilk olaraq Vətən uğrunda şəhid olmuş qəhrəmanlarımızın müqəddəs xatirəsi bir dəqiqəlik sükutla yad edildi. Daha sonra açılış mərasimində Milli Məclisin sədr müavini Adil Əliyev çıxış edərək qeyd edib  ki, xalqımıza, ölkəmizə yalnız qələbə, zəfər yaraşır, bu Zəfəri bizə yaşadan ulu öndər Heydər Əliyevin layiqli siyasi varisi, Müzəffər Ali Baş Komandan İlham Əliyevdir. Bu siyasət yaşadıqca, davam etdirildikcə Azərbaycanı qarşıda daha böyük zəfərlər, qələbələr gözləyir. Ölkəmizdə bütün sahələr kimi idman da yüksək səviyyədə inkişaf edir, Milli Olimpiya Komitəsinin Prezidenti İlham Əliyevin diqqət və qayğısı nəticəsində ölkəmizdə mötəbər idman yarışları yüksək səviyyədə təşkil edilir. Eyni zamanda idmançılarımızın beynəlxalq arenalarda uğurlu nəticələr əldə etməsi Azərbaycanın idman ölkəsi olduğunu bir daha sübut edir. Həmçinin, qardaş Türkiyə ilə münasibətlərimizin yüksələn xətlə inkişaf edir, iki qardaş dövlət arasında olan qarşılıqlı bağlar, sıx münasibətlər xalqlarımızı, ölkələrimizi hər zaman bir-birinə doğmalaşdırıb, mehribanlaşdırıb.
    Daha sonra turnir başladı, yarışda dördü Azərbaycandan, dördü isə Türkiyədən olmaqla səkkiz idmançı dünya millisinə qarşı mübarizə aparır. Adil Əliyev xüsusilə qeyd edib ki, idmançılarımız turnirdə uğurla iştirak edərək, rəqibləri üzərində inamlı qələbə qazandılar. Əminik ki, idmançılarımız bundan sonra da üzərlərinə düşən vəzifələrin öhdəsindən layiqincə gələrək, ölkəmizi beynəlxalq arenalarda ən yüksək səviyyədə təmsil edəcəklər.
    Qeyd edək ki, Azərbaycan millisindən qatılan idmançılar Bəhram Rəcəbzadə, Nehir Rəcəbzadə, Qəşəm Məmmədov, Elşad Şahbazov, türklərdən isə Adəm Bozkurt, Zəhra Doğan, Qalip Çelik və Ali Kelat döyüş gecəsinin iştirakçısı idilər.
Sabaha-inamla.az

















Baxış sayı: 97


Bölməyə aid digər xəbərlər