Şəhid anası:"Bu bir ildə sizləri gördükcə elə bildim ki, dərdim azalıb"-Şəhidin doğum günü qeyd olundu-VİDEO-Sabaha-inamla.az-da
Tarix: 11-10-2021 12:33 | Bölmə: Reportaj

   Oktyabrın 10-da şəhid baş laytenant Mikayıl İlqar oğlu Məmmədzadənin doğum günü oldu.Bu münasibətlə"Billur" şadlıq sarayında tədbir keçirildi.
    Tədbirdə ictimayyət nümayəndələri, ziyalılar, şəhər icra hakimiyyətinin nümayəndəsi, şəhid ailələri, qazilər, jurnalistlər iştirak ediblər.
    Sabaha-inamla.az şəhidin validenlərinin çıxışını tamaşaçıların qiqqətinə çatdırır:
                       
                         

Mikayıl Məmmədzadə 1994-cü il oktyabrın 10-da Sumqayıt şəhərində anadan olub.
2001—2009-cu illərdə C.Səfərov adına 10 saylı tam orta məktəbdə, 2009—2012-ci illərdə Cəmşid Naxçıvanski adına Hərbi Liseydə təhsil alıb.
2012—2016-cı illərdə Heydər Əliyev adına Azərbaycan Ali Hərbi Məktəbində (AAHM) ali hərbi təhsil alıb.
Subay idi.


Mikayıl Məmmədzadə 2016-cı ildən Azərbaycan Silahlı Qüvvələrinin müxtəlif hərbi hissələrində xidmət edib.
2018-ci ildən xidmətini “baş leytenant” hərbi rütbəsi altında davam etdirirdi.
Azərbaycan Silahlı Qüvvələrinin baş leytenantı olan Mikayıl Məmmədzadə 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Murovdağın azadlığı uğrunda gedən döyüşlərdə iştirak edib.


Mikayıl Məmmədzadə sentyabrın 28-də Murovdağ döyüşləri zamanı, Kəlbəcər rayonu ərazisində Camışdağ-Qaragöl istiqamətində şəhid olub. Nəşi uzun müddət götürülə bilməyib. Dekabrın 28-də Sumqayıt Şəhidlər Xiyabanında  torpağa tapşırılıb.


Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Mikayıl Məmmədzadə ölümündən sonra "Vətən uğrunda" medalı ilə təltif edildi.
Sabaha-inamla.az





Baxış sayı: 116


Bölməyə aid digər xəbərlər