Şirvan STEAM Mərkəzi ilə bağlı tanışlıq - Video
Tarix: 10-02-2021 20:10 | Bölmə: Reportaj

Şirvan STEAM Mərkəzi ilə bağlı tanışlıq


Dünən Şirvan şəhəri Kimya-Biologiya Təmayüllü Respublika liseyinin nəzdindəki STEAM mərkəzi ilə tanışlıq olub.
“Qafqazinfo” xəbər verir ki, tədbirdə təhsil naziri Emin Əmrullayev, Şirvan Şəhər İcra Hakimiyyətinin başçısı İlqar Abbasov və tanınmış ictimaiyyət nümayəndələri iştirak edib.
Təhsil Nazirliyinin şöbə müdiri Vəfa Yaqublu layihənin həyata keçirilməsindən məmnunluğunu dilə gətirib.
“STEAM Azerbaijan” layihəsinin rəhbəri İqrar Nəzərov, Əməkdar müəllim Asif Cahangirov, Təhsil nazirinin müşaviri Elnur Nəsibov, jurnalist, tanınmış səyyah Azər Qəribov, LANDAU məktəbinin rəhbəri Emil Leznik, İnnoland inkubasiya mərkəzinin rəhbəri Məmməd Kərim və başqaları həyata keçirilən layihənin əhəmiyyətindən söz açıblar, bu layihənin digər bölgələrdə də davam etdirilməsi diləyini qeyd ediblər.
Qeyd edək ki, STEAM təhsili praktik məşğələlər vasitəsilə elmi, texniki biliklərin gündəlik həyatda tətbiqini şagirdlərə göstərməklə yanaşı, onlara mühəndislik səriştələri öyrədir. Mərkəz bütün yaş qruplarının istifadəsi üçün nəzərdə tutulub və STEAM məzmununa uyğun lazımi innovativ texnologiyalarla tam təmin olunub. Mərkəzdə yaradılmış imkanlardan sözügedən liseylə yanaşı, regionun digər məktəblərinin şagird və müəllimləri də istifadə edə bilərlər.
STEAM layihəsinin əsas məqsədi respublikanın ümumtəhsil məktəblərində təhsil alan şagirdlərdə XXI əsr bacarıqlarını – kreativlik, tənqidi düşünmə, əməkdaşlığin inkişaf etdirilməsi, müxtəlif proqramlaşdırma dillərini tətbiq etməklə müasir İKT avadanlıqlarından istifadə edə bilmə qabiliyyətlərini yüksəltməkdir. Layihə hazırda 147 ümumtəhsil məktəbdə tətbiq olunur və 2500-dən çox şagird, 800 müəllimi əhatə edir.

            


Baxış sayı: 101


Bölməyə aid digər xəbərlər