“Statusda oxudum ki, oğlum şəhid olub” - Videoreportaj

Xəbər lenti

23:12 / 18-09-2025

Azərbaycana səfərindən bu görüntüləri paylaşdı - Video

23:05 / 18-09-2025

“Pul almışam, yaxşı eləmişəm” - Daha bir direktorun səs yazısı yayıldı

22:59 / 18-09-2025

Uşağının yanında canlı yayımda qeyri-etik ifadələr işlədən ana ilə bağlı - DİN-dən açıqlama

22:51 / 18-09-2025

Vüqar Rəhimzadə: “Əsrin müqaviləsi” iqtisadi inkişafın təməl prinsiplərini müəyyən etdi"

22:43 / 18-09-2025

Fransada keçirilən etiraz aksiyalarında 500 mindən çox insan iştirak edib

22:39 / 18-09-2025

11 yaşlı uşağı güllələyən şəxs saxlanılıb

15:45 / 18-09-2025

Professor Fenenko: "Almaniya Şərqi Avropada qisas almağa susamışdır"

15:33 / 18-09-2025

Borcunu ödəmək üçün valideynlərini öldürən şəxs məhkəmə qarşısına çıxarılacaq

15:26 / 18-09-2025

"Zenit"in futbolçusu Santos uzun müddətdir ki, Braziliya millisində oynamaq arzusunda olduğunu bildirib

15:07 / 18-09-2025

Paşinyan: "Türkiyənin tələbi ilə Ağrı dağı viza möhürlərindən çıxarılmayıb"

15:04 / 18-09-2025

İkinci sinif riyaziyyat dərsliklərində dronlarla bağlı problem yaranıb

14:48 / 18-09-2025

Məhkəmə Vasili Sizikovu etimadı itirdiyinə görə vəzifəsindən kənarlaşdırıb

14:46 / 18-09-2025

Peskov Putinin fraksiya liderləri ilə bu gün görüşəcəyini təsdiqləyib

14:10 / 18-09-2025

Səfir Meşkov: "Fransanın Rusiya ilə təmaslara açıq şəkildə qadağası var"

14:07 / 18-09-2025

Məktəblilərin valideynləri hicablı şagirdlərdən hiddətlənib

11:54 / 18-09-2025

TASS: Keçmiş nazir yeni cinayət ittihamları ilə üzləşə bilər

11:49 / 18-09-2025

Üç nəfərin öldüyü Elbrus kanatının bağlanması iki il əvvəl tövsiyə olunub

11:46 / 18-09-2025

Polşanın keçmiş baş naziri Miller: "Zelenski NATO-nu Rusiya ilə müharibəyə sürükləməyə çalışır"

11:41 / 18-09-2025

Dalğıclar Amudisa gölündə batmış geoloqları daşıyan avtomobilin görüntülərini çəkiblər

11:35 / 18-09-2025

Əsaslı Təmir Fondunun keçmiş rəhbəri hava limanında saxlanılıb

11:17 / 18-09-2025

Viktor But: "Tramp Ukraynaya görə avropalıları blef edir"

11:11 / 18-09-2025

Ailə Cənubi Afrikada istirahət edərkən ölümcül malyariyaya yoluxub

11:05 / 18-09-2025

"Sektor": Antalyada rus qadın küçə gülləsinə tuş gəlib

10:59 / 18-09-2025

Neçayevanın vəkili: "Dudayevlə bağlı fikirlərinə görə Puqaçova 5 ilə qədər həbs oluna bilər"

10:56 / 18-09-2025

Politoloq Noqinski Fransadakı etirazların səbəblərini açıqlayıb

10:50 / 18-09-2025

Peskov: "Putinlə birbaşa xətt dekabrda baş tutacaq"

20:06 / 17-09-2025

Vüqar Rəhimzadə: "Azad edilmiş digər torpaqlarımız kimi, Xankəndi, Xocalı, Xocavənd, Ağdərə də yeni inkişaf dövrünü yaşayır"

20:01 / 17-09-2025

Mariya Zaxarova Çin filmindəki rolundan danışıb

14:00 / 17-09-2025

İKI RAS: Ən böyük asteroidlərdən biri sentyabrın 18-də Yerin yaxınlığından keçəcək

13:56 / 17-09-2025

Putin Hindistanın baş naziri Modini ad günü münasibətilə təbrik edib

13:54 / 17-09-2025

Kreml komissiyası Krasnovun Ali Məhkəmənin rəhbəri vəzifəsinə namizədliyini dəstəkləyib

13:50 / 17-09-2025

Ekspert Qəzzada əməliyyatın bir neçə il çəkə biləcəyini bildirib

13:34 / 17-09-2025

“Ay nazir, sənə yazmışam, niyə cavab vermirsən?”

13:24 / 17-09-2025

Estoniya Rusiya sərhədi yaxınlığında tərk edilmiş avtomobilləri oktyabr ayından satışa çıxaracaq

13:18 / 17-09-2025

Lavrov: "Qərb qoşunları ora göndərilsə, Ukrayna işğal olunmuş əraziyə çevriləcək"

13:15 / 17-09-2025

Lavrov: "Qərb dövlətlərin suveren bərabərliyini heç vaxt nəzərə almayıb"

13:12 / 17-09-2025

Boks üzrə ikiqat Avropa çempionu Viktor Ageyev vəfat edib

13:09 / 17-09-2025

Lavrov: "BMT Katibliyi Kiyevin humanitar qanunları pozmasını ağartmağa çalışır"

11:51 / 17-09-2025

Jurnalist Paşkov: "Minlərlə Qəzza sakini şəhərdən təxliyə edilib"

11:45 / 17-09-2025

Soyuducu sayəsində 2 milyon rubl dəyərində elektrik enerjisi oğurlanıb

Bütün xəbərlər

Ən çox oxunanlar

Senator Cabarov Polşa səmasında vurulan PUA-ların Kiyevin təxribatı olduğunu iddia edib

“İlham Əliyevin Vaşinqton səfəri tarixi əhəmiyyətə malikdir”

Xırdalan Cümə Məscidində möhtəşəm tədbir keçirilib-VİDEO+FOTOLAR

Hikmət Hacıyev Konqresdə sülh gündəliyindən danışdı - Fotolar

Volodin: "Makron nəhayət vətəndaşların etibarını itirdi və Fransanı böhrana saldı"

Fransada genişmiqyaslı etiraz aksiyaları zamanı 100-dən çox adam saxlanılıb

Vaşinqton görüşü regionda sülhün və təhlükəsizliyin təmin olunması baxımından tarixi dönüş nöqtəsi oldu

Tusk: "Hava məkanını pozan PUA-lar Belarusdan gəlib"

Daha bir boksçumuz dünya çempionatının 1/4 finalında

Von der Leyen Kiyevə Rusiya aktivləri hesabına “reparasiya krediti” verməyi təklif edib

Avropa İttifaqı Ukrayna ilə dron ittifaqına 6 milyard avro sərmayə qoymaq niyyətindədir

Şirkət direktoru Abxaziyaya 500 milyon rubl çıxardığına görə şərti cəza alıb

“Statusda oxudum ki, oğlum şəhid olub” - Videoreportaj
Tarix: 28-12-2020 22:11 | Bölmə: Reportaj

Hələ bu dünyaya gəlmədən şəhid qızı adını alan Nişanə iki həftə sonra doğulacaq. Onun atası Qardaşxan Əhmədov isə 50 gün itkin kimi axtarışda olub.
“Qafqazinfo” ailəyə baş çəkərək Qardaşxan Əhmədovun xatirəsini əbədiləşdirmək üçün reportaj hazırlayıb.
24 yaşlı Qardaşxan döyüşə getmədən 10 ay öncə ailə həyatı qurub, iki həftə sonra isə qızı dünyaya gələcək, ilk və sonuncu övladı…
Qardaşxan hərbi xidmətdə olarkən “Aprel döyüşləri”ndə də iştirak edib. Vətən Müharibəsi başladıqda isə döyüşə çağırılıb. Lənkəran rayon komissarlığında bir yerlisi ilə tanış olub. Eyni vaxtda müharibəyə yola salınıblar, bütün döyüş yolunu birgə keçiblər və sonda, Xocavənddə bir yerdə şəhid olublar.
Atası Elxan Əhmədov oğlu ilə çox vaxt keçirməsə də, onu daim öz yeri üçün böyüdüb. Şəhid atası Elxan Əhmədov deyir ki, oğlunun son döyüşü noyabrın 7-də olub. Ondan sonrakı iki gün isə müəmmalıdır, o günlərdə Qardaşxanın yaşayıb-yaşamadığı bəlli deyil. Amma döyüşlər dayandıqdan sonra düz dekabrın 19-dək ailə və yaxınları daim onu axtarıb. Qardaşxan 44 günlük Vətən Müharibəsinin 50 günlük itkini olub.
Elxan Əhmədov deyir ki, bu 50 gün ona 50 il kimi görünüb, bu 50 gündə evə sığmayıb, gecə-gündüz küçələrdə, yollarda, idarələrdə bircə oğlunu axtarıb. İki bacıdan sonra evin son beşiyi olan Qardaşxanı…

Amma bu 50 gün ərzində Elxan Əhmədov oğlu ilə bağlı fərəhləndirici onlarla zənglər alıb. Döyüşdən yaralı qayıdan qazilərin valideynləri Elxana zəng edərək onun oğlu Qardaşxanın onların övladlarını ölümdən xilas etdiyini deyiblər. Övladına qovuşsa da, onu şəhid kimi qarşılayan atalar isə itkin atası Elxana oğluna görə təşəkkür ediblər. Minnətdar olublar ki, Qardaşxan onların övladının cənazəsini ortada qoymayıb. Onlarla igidi ya qazi ya da şəhid olaraq döyüş meydanından çıxarıb. Özünü isə 50 gün sonra Xocavənd dağlarında sıx meşənin içindən qarlar altından çıxara biliblər.
Bir dərdin başqa dərdə dərman olması kimi, Elxan da oğlunun əsir olmasını, mühasirədə olmasını, yaralı olmasını, şikəst olmasını arzulayıb. Təki sağ olsun…

Ailə Qardaşxan üçün son limit günü də təyin edibmiş. 28 noyabr… Bu gün Qardaşxanın toyunun birinci, ilk ildönümüdür. Gənc, hamilə həyat yoldaşı da ən sonda həmin gün Qardaşxanın gələcəyinə ümid edib.
Elxan Əhmədov isə oğlunun tezliklə gəlib doğulacaq qızını qucağına alacağını, onu xəstəxanadan şarlarla bəzədilmiş maşında evinə gətirəcəyini arzulayıb.
Vətən Müharibəsi Qardaşxan üçün ilk çətin sınaq olmayıb. Altı yaşından bəri ailəyə rəhbərlik etməyə məcbur olan Qardaşxan bu yola daim imtinaları ilə yadda qalıb. O, ilk olaraq 17 medal aldığı güləşdən uzaqlaşıb. Bunun əvəzində isə anası ilə birgə 10 il dükanda satıcı işləyib, iki bacısından yaşca balaca olsa da, onlara böyük qardaş olub. Atası Elxan isə mütəmadi olaraq Rusiyada işləyərək ailənin maddi durumuna dəstək olub. Qardaşxan ilk medalını 7 yaşında alıb.
Anası Bahar Əhmədova deyir ki, Qardaşxan onun həm oğlu, həm qardaşı, həm də iş yoldaşım olub: “Bütün sirlərini, aruzlarını, xəyallarını mənə deyərdi. Mənim həyatımdakı hər şey, evim-eşiyim onun əziyyəti, onu xatirələridir. Onu hər gün güləş məşqinə özüm aparırdım. Hər dəfə yer tutanda mənə zəng edib deyirdi. Yeddi yaşı olanda ilk medalını qazandı, zəng edib dedi ki, “Ana, birinci yerə çıxdım”.

Toyunun ildönümündə hələ də onu axtarırdıq. O bizi çox istədiyi üçün tez-tez sürprizlər edirdi. Xüsusi günlərdə həmişə zəng edirdi. Mən də inanırdım ki, noyabrın 28-də oğlum zəng edib sağ olduğunu deyəcək”.
Bahar Əhmədova oğlunun döyüş yoldaşı ilə danışaraq Qardaşxanın şəhid olmadığına onu inandırmaq istəyərkən elə bircə oğlunun şəhadət xəbərini alıb: “Qardaşxandan xəbər olmayandan sonra bizə hansı nömrə ilə zəng etmişdisə, onlarla danışdıq, hamısı dedi biz yaralıyıq, ondan xəbərimiz yoxdu.
Mənim ümidim vardı ki, mənim balam sağdır. Noyabrın 7-də Xocavənddə döyüşdə olub, bir gün sonra da müharibə bitib. Qardaşxan bir gün özünü qoruya bilərdi…
Dekabrın 19-da axşamüstü yoldaşım evə gəldi, dedi uşaq yaralı tapılıb, ora gedirik. Mən də oğlumu gözləyirdim, dedim bir ayağı, bir qolu olmaz, eybi yox. Şəhid olduğunu bilmirdim. Dekabrın 20-də həyətə çıxdım, gördüm qonşular bizdədir. Evə girib yoldaşıma zəng etdim, cavab vermədi. Bütün qohumlara, tanışlara zəng etdim, heç kim mənə cavab vermədi. “Whatsapp”ı açıb gördüm ki, Qardaşxanın döyüş dostu Murad onun şəklini paylaşıb, yazıb ki, “can qardaş, aramızdan sən də getdin, şəhid oldun”. Mən ona yazdım ki, “Qardaşxan hələ şəhid olmayıb, sağdı, yaralıdır, atası gedib gətirməyə”.

Elə o sözü yazıb bitirəndə gördüm evin qapısı açıldı, qonşular hamısı içəri girdi. Onda bildim ki, oğlum şəhid olub, o vaxta kimi mənə heç kim bunu demədi”.
Şəhidin bacısı Nuranə Əhmədli isə qardaşının yarımçıq qalan arzularından bəhs edib: “Altı yaşında güləşə gedirdi, idmanla bağlı çox xəyalları vardı. Sonra elə oldu ki, atam işləmək üçün Rusiyaya getməli oldu. Elə həmin vaxt qardaşım xəyallarından əlini üzdü. Evdə kişi yoxdu deyə 6 yaşında evin hər işini öhdəsinə götürdü. Şəhid olmadan əvvəl də onun xarakterinə görə mən onunla fəxr edirdim. Qardaşımın qızı ilə bağlı çox xəyalları, planları var idi. İndi isə onları onsuz həyata keçirməli olacağıq. Amma onun qızı qardaşımdan bizə bir nişanə olduğu üçün adını da Nişanə qoymaq istəyirik”.

Nuranə deyir ki, atası qardaşının yaralı olduğunu sevinərək demədiyi üçün o artıq Qardaşxanın şəhid olduğunu bilib: “Atam gəlib dedi ki, qaqaş tapılıb, yaralıdır, gətirməyə gedirəm. Mən atama inanmadım, çünki qardaşım yaralı gəlsəydi, biz sevinərdik. Amma atamın üzünün ifadəsindən, rəngindən bildim ki, o, şəhid dalıyca gedir...”

Baxış sayı: 549