Mətanətlə Canana barışdı - Məhkəmə olmayacaq
Tarix: 05-05-2022 01:30 | Bölmə: Mədəniyyət

                     Mətanətlə Canana barışdı



“Müqəddəs Ramazan bayramı günü Mətanət xanımın evinə getdim və böyüyüm olaraq ondan olanlarla bağlı üzr istədim”.
“Qafqazinfo” xəbər verir ki, bunu Əməkdar artist Mətanət İsgəndərlinin keçmiş gəlini Canana instaqram hesabında yazıb.
O qeyd edib ki, sənətçidən üzr istəyib və artıq məhkəməyə ehtiyac qalmayıb:
“Çünki yaşanan hadisələrə görə balalarımı get-gedə tamamilə itirə bilərdim. Bir böyük olaraq Mətanət xanım və uşaqlarımın atası Kərimin xeyir-duası olmasa, övladlarım məndən uzaqlaşırdı. Həqiqətən də, bir nənə olaraq uşaqlarımın əziyyət çəkməsinə göz yuma bilmədi və bizim yenidən tam bir ailə olmasaq da, biri-birimizə dəstək olub, uşaqları böyüdüb, başa çatdırmağımıza xeyir-dua verdi”, - o bildirib.
“Mətanət xanıma can sağlığı arzulayıram. O, bu addımı ilə körpələrimi sevindirdi, mənə dünyaları bəxş etdi. Müqəddəs Ramazan bayramı, həqiqətən də, səbr edənlərin duasını yerinə yetirir. Bir onu deyə bilərəm ki, çox xoşbəxtəm.
Artıq məhkəməyə ehtiyacımız yoxdur. Məhkəmələrlə yalnız uduzursan. Ağıllı insanlar problemləri öz aralarında həll etsələr, nə pulları gedər, nə əsəbləri, nə də zamanları. Bir də ortalıqda söz daşıyıb, araya söz-söhbət salan insanların Allah cəzasını versin”, - Canana əlavə edib.
Qeyd edək ki, Kərim və Canana ötən ilin oktyabrında rəsmi olaraq boşanmış,uşaqlar anadan alınaraq ataya verilmişdi.


Baxış sayı: 85


Bölməyə aid digər xəbərlər
24-05-2022, 13:18 Ayaz Salayev sədr seçildi
19-05-2022, 19:43 Xalq artisti vəfat etdi