11:42 / 03-07-2022
Biz teatrı niyə sevmirik?
Mir Cəlal Paşayevin Ev muzeyində xatirə gecəsi keçirildi
Tarix: 26-04-2022 20:16 | Bölmə: Mədəniyyət

    26 apreldə Azərbaycan ədəbiyyatının görkəmli nümayəndəsi Mir Cəlal Paşayev dünyaya gəlib. Bu münasibətlə Mir Cəlal Paşayevin Ev muzeyində xatirə gecəsi keçirildi.Xatirə gecəsi Azərbaycan şəhidlərinin ruhunun bir dəqiqəlik sükutla yad olunması ilə başladı.

    Tədbir Gəncə Regional İdarəsinin təşəbbüsü ilə keçirildi.Ədəbi bədii gecədə çıxış edən Gəncə Regional Mədəniyyət İdarəsinin rəisi cənab Vasif Cənnətov Mir Cəlal Paşayev yaradıcılığının təbliği üçün muzeyin əhəmiyyətindən danışdı.
 
     Xatirə gecəsində Gəncənin yaradıcı insanları, yazıçının tələbələri iştirak edirdilər. Muzeyin bələdçisi Dilbər Orucova onları salamladı və "Üç zirvənin fatehi " sayılan bu görkəmli insanı anmaq üçün gələn hər kəsə xüsusi təşəkkürünü bildirdi .
    İlk olar AMEA Gəncə bölməsinin sədri Akademik Fuad Əliyev, Mir Cəlal Paşayevin əsl Azərbaycan ziyalısı, müdirik ailə başçısı, xeyirxah bir insan olmasından danışdı.
    Tədbirdə onun tələbələri: Gəncə Dövlət Universitetinin professoru Xəlil Yusifli, Gəncə Dövlət Universitetinin dossenti Nəzmiyyə Axundova , publisist yazıçı, peşəkar jurnalist "Gəncənin səsi " qəzetinin redaktoru Rəfiqə Sadıqova , jurnalist İlqar Həsənov , AMEA Gəncə bölməsinin             Humanitar Tədqiqatlar İnstitutunun şöbə müdiri Ruziyyə Quliyeva da iştirak etdi.
     Ədəbi -bədii gecə yazıçı, jurnalist, dramaturq Nüşabə Əsəd Məmmədlinin, AYB - nin Gəncə bölməsinin sədri şairə Xəzəngül Hüseynovanın, Teatrşünas alim Anar Bürcəliyevin maraqlı söhbətləri ilə davam etdi.
    Mir Cəlal Paşayevin anıldığı bu gecənin musiqili qonaqları , Gəncə Dövlət Flarmoniyasının Göygöl Dövlət mahnı və rəqs ansambılı oldu. Xəyal Əliyev və Şirxan Cahangirovun ifasında səslənən muğamlar qonaqlar tərəfindən çox bəyənildi.Davud Ordubadlının Mir Cəlal Paşayevə həsr etdiyi şeiri 27 Nömrəli məktəb - liseyin şagirdi Ləman İbayeva səsləndirdi.
     Tədbirdə çıxış edən qonaqlar muzeydə gedən təmir- bərpa işlər üçün Azərbaycan Respublikası Mədəniyyət Nazirliyinə və Gəncə Regional Mədəniyyət idarəsinə təşəkkür etdilər.
    Ədəbi-bədii gecənin sonunda Mir Cəlal Paşayev Ev muzeyinin direktoru İradə İbayeva tədbirdə iştirak edən hər bir kəsə təşəkkür etdi.
Sabaha-inamla.az










Baxış sayı: 92


Bölməyə aid digər xəbərlər
24-05-2022, 13:18 Ayaz Salayev sədr seçildi
19-05-2022, 19:43 Xalq artisti vəfat etdi