12:59 / 13-05-2024
Ayının qurbanı olub
Bütün xəbərlər
MDB Oyunları: Komandamız daha 2 medal qazandı
Tarix: 09-09-2021 03:48 | Bölmə: Digər

                   MDB Oyunları: Komandamız daha 2 medal qazandı



Rusiyanın Kazan şəhərində keçirilən birinci MDB Oyunlarında Azərbaycan komandası aktivinə daha 2 medal əlavə edib.
"Qafqazinfo" xəbər verir ki, tayboksçumuz Rəvan Ağazadə (67 kq) qızıl medal uğrunda qarşılaşmada Belarus təmsilçisi Yevgeni Fyodorençikə uduzduğuna görə gümüş medalla kifayətlənib.
Digər gümüş medalı badminton komandamız qazanıb. Turnir cədvəlini 2-ci sırada başa vuran milli komanda gümüş medala layiq görülüb.
Qeyd edək ki, hazırda Azərbaycan komandasının aktivində 39 (11 qızıl, 9 gümüş və 19 bürünc) medal var.
Xatırladaq ki, sentyabrın 11-dək davam edəcək Oyunlarda Azərbaycan komandası idmanın 13 növündə təmsil olunur. Komandamız badminton (8 idmançı), basketbol (4), boks (8), cüdo (16), futzal (13), stolüstü tennis (8), stend və güllə atıcılığı (3), karate (20), kəmər güləşi (4), köreş (5), qadın güləşi (6), sambo (7), sərbəst güləş (10), yunan-Roma güləşi (9) və muaytay (tayboks, 6) idman növlərində mübarizə aparır.


Baxış sayı: 237


Bölməyə aid digər xəbərlər