Oktyabrın 4-5-də Azərbaycanın Milli Elmlər Akademiyası N.Tusi adına Şamaxı Astrofizika Rəsədxanasında akademik Hacıbəy Sultanovun 100 illiyinə həsr olunan “Günəş sistemi cisimlərinin fizikası və dinamikası” mövzusunda beynəlxalq onlayn konfrans keçiriləcək.
Bu barədə AZƏRTAC-a rəsədxanadan məlumat verilib.
Konfransın Təşkilat Komitəsi astronomları tədbirdə iştirak etməyə dəvət edir. Çıxışların adını və xülasələri Təşkilat Komitəsinin ([email protected]) elektron poçt ünvanına göndərmək olar.
Konfrans Azərbaycan, rus və ingilis dillərində keçiriləcək. Materiallar sentyabrın 1-dək göndərilə bilər.
Məruzələrin məqalə forması http://aaj.shao.az/  saytında “Sample” başlığı altında göstərilən nümunəyə uyğun şəkildə təqdim edilməlidir.
Təşkilat Komitəsinin ünvanı: AZ-5626, Y.Məmmədəliyev qəsəbəsi, Şamaxı, Azərbaycan, E-mail: [email protected] 
Telefon: (+994 20) 266 10 02, mob: (+994 50) 623 06 31 (vatsap)