Bütün xəbərlər
Hava zərbəsi nəticəsində yaralanan 5 yaşlı uşaq ölüb
Tarix: 09-07-2025 19:02 | Bölmə: Cəmiyyət

Ukraynanın Kursk çimərliyinə endirdiyi hava zərbəsi nəticəsində yaralanan beş yaşlı uşaq ölüb. 

Sabaha-inamla.az rus mətbuatına istinadən xəbər verir ki, faciəli xəbəri özünün Teleqram kanalında Kursk vilayətinin qubernatoru Aleksandr Xinşteyn bildirib.
Rayon rəhbərinin sözlərinə görə, uşaq Moskvaya aparılarkən dünyasını dəyişib. Zərərçəkənin bədənində 30 faiz yanıq diaqnozu qoyulub.
"Həkimlər onu xilas etmək üçün hər şeyi etdilər, lakin xəsarətlər çox ağır idi", - Aleksandr Xinşteyn yazıb.
Qubernator mərhumun ailəsinə başsağlığı verib və dövlət orqanları tərəfindən bütün lazımi yardım və dəstəyin göstəriləcəyinə əmin olub.
Xatırladaq ki, iyulun 8-də axşam saatlarında Ukraynaya məxsus pilotsuz uçuş aparatı Kurskdakı Qorodskoy çimərliyinə zərbə endirib. İnsanları evakuasiya edən Rosqvardiya zabiti də daxil olmaqla 3 nəfər hadisə yerində ölüb. Daha 7 nəfər yaralanıb.



Baxış sayı: 33


Bölməyə aid digər xəbərlər