09:10 / 18-07-2024
Bayden koronavirusa yoluxub
Bütün xəbərlər
Təyyarənin magistral yolda təcili enişi zamanı xəsarət alan olmayıb
Tarix: 08-06-2024 22:40 | Bölmə: Cəmiyyət

Yüngül mühərrikli "Piper" təyyarəsi Moskva vilayətinin Litkarino ərazisindəki Turayevskoye şossesində qəza enişi edib.
Sabaha-inamla.az rus mətbuatına istinadən xəbər verir ki, bu barədə Rusiya Fövqəladə Hallar Nazirliyinin region üzrə Baş İdarəsi məlumat yayıb. Xilasedicilərə təcili eniş barədə məlumat Moskva vaxtı ilə saat 18:00 radələrində daxil olub. İdarədən verilən məlumata görə, hadisə nəticəsində xəsarət alan olmayıb, yerdə dağıntı qeydə alınmayıb. Təyyarənin göyərtəsində üç nəfər olub, onların hamısı sağ qalıb.
İlkin məlumata görə, qəzaya səbəb mühərrikin nasazlığı olub.
Əməliyyat xidmətlərinin TASS-a verdiyi məlumata görə, təyyarənin məşq və ya zövq uçuşu etdiyi iddia edilir. Magistral yola enən Piperin Myaçkovo aerodromunda yerləşdiyi də məlumdur.
İstintaq Komitəsindən TASS-a verilən məlumata görə, Rusiya İstintaq Komitəsinin Qərbi MSUT-un Hava və Su Nəqliyyatı üzrə Moskva İstintaq İdarəsi insidentlə bağlı istintaqdan əvvəl yoxlamaya başlayıb.


Baxış sayı: 146


Bölməyə aid digər xəbərlər