Bütün xəbərlər
Keçmiş futbolçu polisi onun iştirakının videosunu saxtalaşdırmaqda ittiham edib
Tarix: 30-11-2023 09:20 | Bölmə: Cəmiyyət

Narkotik yaymaqda şübhəli bilinərək həbs edilən Rusiya millisinin keçmiş futbolçusu Aleksey Buqayev Daxili İşlər Nazirliyinə qarşı 5 milyonluq təzminat tələb etmək niyyətindədir.
Sabaha-inamla.az rus mətbuatına istinadən xəbər verir ki, Kuban polisi bildirib ki, Aleksey Buqayev noyabrın əvvəlində 500 qram mefedronla saxlanılıb. Keçmiş futbolçu külli miqdarda narkotik satmaqda ittiham olunub. Məhkəmənin qərarı ilə Buqayev noyabrın 3-də istintaq təcridxanasına salınıb. Şübhəlinin günahı sübuta yetirilərsə, onu ömürlük həbs cəzası gözləyir.
RİA Novosti-nin məlumatına görə, çərşənbə günü məlum olub ki, həbs edilən şəxs Krasnodar diyarının Daxili İşlər Nazirliyinin Baş İdarəsinə qarşı beş milyon rubl tələb edib. Buqayev israr edir ki, üzərindən narkotik tapılması ilə bağlı əvvəllər dərc edilmiş video saxtakarlıqdır.
Daha əvvəl bu fikri Buqayevin vəkili Yekaterina Makliçenko bildirib. O, bildirib ki, polis müvəkkilindən üç milyon rubl rüşvət tələb etmək üçün sübutları saxtalaşdırıb. Makliçenko müvafiq ərizə ilə regional istintaq idarəsinə müraciət edib.
Aleksey Buqayevin digər vəkili Konstantin Jerebtsov agentliyə bildirib ki, müvəkkilində narkotik olmayıb, onların video çəkiliş başlamazdan əvvəl onun üzərinə qoyulub. Jerebtsov təkid edir ki, ictimai məkanda yerləşdirilən görüntülər Buqayevin şərəf və ləyaqətini gözdən salıb.


Baxış sayı: 64


Bölməyə aid digər xəbərlər
24-02-2024, 12:17 Bayram ərəfəsində qətl