Azərbaycan şəhid verdi - Laçında
Tarix: 03-08-2022 12:39 | Bölmə: Cəmiyyət

                   Azərbaycan şəhid verdi



Rusiya Federasiyası sülhməramlı kontingentinin müvəqqəti yerləşdiyi Azərbaycan ərazisindəki qeyri-qanuni erməni silahlı dəstələrinin üzvləri avqustun 3-ü səhər saatlarında Laçın rayonu istiqamətində yerləşən Azərbaycan Ordusunun bölmələrinin mövqelərini intensiv atəşə tutub.
“Qafqazinfo” xəbər verir ki, bu barədə Müdafiə Nazirliyi məlumat yayıb. Bildirilir ki, nəticədə müddətli həqiqi hərbi xidmət hərbi qulluqçusu əsgər Kazımov Anar Rüstəm oğlu aldığı güllə yarasından şəhid olub.
Xəbəri rus dilində oxuyun: Солдат Азербайджанской Армии стал шехидом
Bölmələrimiz tərəfindən müvafiq tədbirlər görülüb.
Müdafiə Nazirliyinin rəhbərliyi şəhid olan hərbi qulluqçumuzun ailəsinə və yaxınlarına dərin hüznlə başsağlığı verir, onlara səbir diləyir!
Allah rəhmət eləsin!
***
Baş Prokurorluğun mətbuat xidmətindən bildirilib ki, hadisə ilə bağlı zəruri prosessual hərəkətlər yerinə yetirilib.
Faktla bağlı Qubadlı hərbi prokurorluğunda Cinayət Məcəlləsinin 120.2.12-ci (milli, irqi, dini ədavət və ya düşmənçilik niyyəti ilə adam öldürmə) madddəsi ilə cinayət işi başlanıb. Hazırda istintaq davam edir.


Baxış sayı: 61


Bölməyə aid digər xəbərlər
14-07-2022, 00:02 Abid Qafarov həbs edildi