Dünya ana və uşaq ictimai birliyi Zaqatala rayonun Yeni Suvagil kəndində şəhid ailəsində oldu

Dünya ana və uşaq ictimai birliyi və Dunyaxeber.com infomasiya aqentliyinin bir qurup nümayəndələri- Dünyaxanım Əliyeva,şairə Səriyyə Dumanlı, Xanım Nurullayeva,yenidən öz ənənələrinə davam edərək,Yeni Suvagil kəndinin şəhidi Qədirov Elvin Azər oğlunun ailəsində oldu.Bu gün fəxrlə söylədiyimiz həmin şanlı Qələbəni Azərbaycan Ordusunun, əsgər və zabitlərimizin yüksək peşəkarlığı sayəsində əldə etdiyi və bizlər də vətəndaş olaraq torpaqlarımızın hər bir qarışının işğaldan azad edilməsi üçün canından, qanından keçən şəhidlərimizlə, qazilərimizlə, Azərbaycan Ordusunun əsgər və zabitləri, hərbçiləri ilə fəxr edir, qürur duyuruq. Bir ömür boyu onlara borclu və minnətdar olmalıyıq. Ən böyük amalımız, işimiz, vəzifəmiz şəhidlərimizi, qazilərimizi tanımaq və tanıtmaqdır… Şəhidin anası və atasına danışmaq ağir olsa da, Elvin haqqında ürək sözlərini söylədilər.
Elvin Qədirov 2001-ci il mayın 5-də Zaqatala rayonunun Yeni Suvagil kəndində anadan olub.2007-2018-ci illərdə A.Qədirov adına 2 nömrəli Yeni Suvagil kənd tam orta məktəbində təhsil alıb. Subay idi.Elvin Qədirov 2019-cu ildə müddətli həqiqi hərbi xidmətə çağırılıb.Vətən muharibəsinə qədər Azərbaycan Silahlı Qüvələrinin “N” saylı hərbi hissəsində xidmət edirdi.Azərbacan Silahlı Qüvəllərinin əsgəri olan Elvin Qədirov 2020-ci il sentyabrın 27-də Ermənistanın işğalı altında olan ərazilərin azad edilməsi üçün başlanan Vətən muharibəsi zamanı Ağdamın azadlığı uğrunda gedən döyüşlərdə iştirak edib.Və həmin vaxt şəhid olub. Zaqatala rayonun Yeni Suvagil kəndində torpağa tapşırılıb.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezdenti İlham Əliyevin 15.12.2020-ci il tarixli Sərəncamına əsasən Elvin Qədirov ölümündən sonra "Vətən uğrunda" medali ilə təltif edilmişdi.

Dünyaxanım Əliyeva söhbət zamanı şəhidin valideynlərinə səbr diləyərək bildirib ki,Elvin kimi Vətən müharibəsində qəhrəmanlıq göstərərək şəhidlik zirvəsinə ucalan qəhrəman şəhidlərimizi yad etmək, xatirələrini əziz tutmaq hər birimizin mənəvi borcudur. Vətən üçün canını fəda edən Elvin Qədirov kimi igid Vətən oğulları hər zaman bizim qəlbimizdə yaşayacaq. Ruhun şad, məkanın cənnət olsun Şəhidim!.