Bütün xəbərlər
Çox sevirdik onu
Tarix: 29-10-2019 17:12 | Bölmə: Cəmiyyət

Mahirə Fərəcova Qəmbər qızı. Bu ad çoxlarına tanışdır. Şuşada dünyaya göz açan Mahirə xanım uzun illər Azərbaycanın müxtəlif bölgələrində Komsomol ,Partiya ,Sovet orqanlarında rəhbər vəzifələrdə çalışdı.Naxçıvan Vilayət Komsomolunun 1 -ci Katibi,Naxçıvan Vilayət Partiya Komitəsinin büro üzvü,Naxçıvan Ali Sovetinin Deputatı,Azərbaycan Kommunist Partiyası Mərkəzi Komitəsində məsul işçi,Təhsil Nazirinin müavini,Milli Məclisdə və digər sahələrdə çalışdığı müddətdə gözəl əxlaqı,yaxşı davranışı ilə böyük hörmət qazanmışdı. Öhdəliyində olan insanların məsuliyyətini daşıyan,onlara arxa duran,ədalətli olmağı bacaran,hər kəsə bərabər yanaşan,təvazökar,xoşxasiyyət,güzəştə getməyi bacaran,səbirli bir xanım idi."Həyatda qazanılır Vətəndaşlıq ,lakin binövrəsi ailədə qoyulur" deyirdi. Ata -ananı sevməyi ,böyüklərə,kiçiklərə hörmət etməyi bacaran ,sabah vətəni də sevməyi bacarar-deyirdi.Millətinə ,xalqına, mənəvi dəyərlərə qiymət verən,dilini,dinini,dövlət rəmzlərini qoruyub saxlayıb,qanunlarımıza əməl edib Mahirə xanım.Yurduna sadiq və layiqli Vətəndaş olub.Bütün qəlbi ilə,qanı ilə,canı ilə torpaqlarını sevən Mahirə xanım doğru,düzgün yola çağırış edirdi gənclərimizi."Şəhidlərimizi unutmamalıyıq,onların adlarını əbədiləşdirməliyik" -deyən Mahirə xanım öz məqalələrində Hərbi,Vətənpərvərlik mövzularına xüsusi yer ayırırdı. Dövlətimiz Mahirə xanımın işlərini yüksək qiymətləndirərək ,onu müxtəlif Orden və Medallarla ,Fəxri Fərmanlarla təltif etmişdir. Respublika Qadınlar Cəmiyyətinin üzvü olduğu müddətdə onu gözəl ictimaiyyətçi kimi də tanıdıq.Təşkilatın Fəxri üzvü seçildi. Çox nikbin idi.Son illər xəstəlik onu yaxaladıqda belə,"Kədərə ğülsən,ona qalib gələrsən" deyirdi. Çox sevirdik onu.   
Böyük ailədə olduğuna baxmayaraq ( 11 uşaq) ,çox mehriban böyüyüblər.Sonralar hərəsi bir bölgədə yaşamağına baxmayaraq,daim xeyirli günlərdə ,ağır,çətin günlərində bir- birinə dəstək olurdular.Mən də Mahirə xanımın sayəsində Şuşada,Gəncədə,Yevlaxda,Xanlarda,Göy -Göldə və digər bölgələrdə gəzib ,dincəlmişəm. Bu gün ailə böyüyüb,bacı və qardaşların övladları,nəvə - nəticələri Mahirə xanımı xoş sözlərlə yad edir.
İnanmaq olmur ki,Mahirə xanım bu gün aramızda yoxdur.Bəli Mahirə xanım yaşayır və onu sevənlərin qəlbində daim yaşayacaq!
Bahar Qasımova, 
"AQRC" İB-nin sədri


Baxış sayı: 683


Bölməyə aid digər xəbərlər