Bütün xəbərlər
"Texnoparkların təhsildə və iqtisadi inkişafda rolu" mövzusunda beynəlxalq simpozium
Tarix: 27-12-2022 00:15 | Bölmə: Sosial



26-27 dekabr 2022-ci il tarixlərində Naxçıvan Dövlət Universitetində "Texnoparkların təhsildə və iqtisadi inkişafda rolu" mövzusunda beynəlxalq simpozium öz işinə başlamışdır.
Sabaha-inamla.az xəbər verir ki, Beynəlxalq simpoziumun plenar iclasında Naxçıvan Dövlət Universitetinin rektoru Dos. Dr. Elbrus İsayev beynəlxalq simpoziumun iştirakçılarını salamladı, simpoziumun işinə uğurlar arzuladı. Bildirdi ki, Texnoparklar ali təhsil modelinin hərəkətverici qüvvəsidir. Texnoparkların inkişafı məqsədilə ölkəmizdə mühüm tədbirlər həyata keçirilir. Bunlar imkan verir ki, insan kapitalı inkişaf etsin və ali təhsil şəbəkəsində yeni keyfiyyət mərhələsini təşkil etsin. Rektor bildirdi ki, beynəlxalq təcrübədə Texnoparklar mühüm rola malikdir. Universitet ərazisində 2020- ci ildən etibarən, iki hektar sahədə Texnopark tikilir və bu sahədəki təcrübənin öyrənilməsində qardaş Türkiyə Universitetlərinin rolunu yüksək dəyərləndirdi.
Beynəlxalq simpoziumda İstanbul Texnik Universitetinin prorektoru Bülent Güloğlu simpoziumun yüksək elmi və iqtisadi əhəmiyyətindən bəhs etdi. Bildirdi ki, elmi araşdırmaların nəticələrinin istehslata səmərəli tətbiqi məhz Texnoparklar vasitəsilə mümkündür ki, bu sahədə də bizim universitetin böyük təcrübəsi var. Artıq yeni 2023-cü ildən daha dəqiq hədəflərimizin olduğunu bildirən natiq qarşılıqlı əməkdaşlığın önəmini ifadə etdi.
Düzce universitetinin prorektoru, prof. Dr. İlhan Genc çıxışında qeyd etdi ki, Düzce universitetində 2010-cu ildə Texnopark qurulmuşdur. Biz bununla, universitetlə sənaye işbirliyinin önəmini yüksək dəyərləndiririk. Biz bu proseslərdə əsas məqsəd olaraq, sənaye bölməsinə universitet bilgilərini vermək istəyirik ki, burada da Texnopark imkanları böyük olacaq. Natiq bildirdi ki, Naxçıvan Dövlət Universitetində Texnopark quruculuğu proseslərinə hərtərəfli dəstək olmağa hazırıq.
Sonra Beynəlxalq Simpoziumda çıxışlar başlandı.
İstanbul Texnik Universitetinin ARI Texnologiyalar Parkının müdiri Dos. Dr Dəniz Tunçalp, Naxçıvan Dövlət Universitetinin professoru Teymur Abbasov və Düzce Universitetinin Texnologiyalar Parkının müdiri Dos. Dr. Özkan Şahin müxtəlif mövzular üzrə çıxışlar etdilər.
Beynəlxalq simpoziumun əlamətdar cəhətlərindən biri o idi ki, qardaş Türkiyə Cümhuriyyətinin adları qeyd olunan ali məktəblərində fəaliyyət göstərən Texnoparkların müdirləri də iştirak və çıxış edirdilər. Onlar, iqtisadi inkişafın hazırkı mərhələsində Naxçıvan Dövlət Universitetinin bu sahədəki fəaliyyətini yüksək dəyərləndirməklə, yaxın gələcəkdə elm və təhsilin məhz bu müstəvidə daha yüksən uğurlar gətirəcəyinə əmin olduqlarını qeyd etdilər.

Xeyirli olsun!


Baxış sayı: 257


Bölməyə aid digər xəbərlər