Sumqayıtda AzTV-nin operatoru-şəhid Sirac Abışovun doğum günü keçirildi-VİDEO
Tarix: 30-08-2022 11:20 | Bölmə: Reportaj

Bu gün-29 avqust Sumqayıtda "Ceyran" şadlıq evində-Kəlbəcərdə mina partlayışı nəticəsində şəhidli zirvəsinə ucalmış AzTV-nin operatoru-şəhid Sirac Abışovun doğum günü keçirilib.


                         
                         
                         
Şəhid ailələri, qazilər, ictimayyət nümayəndələri, jurnalistlər, ziyalılar əvvəlcə şəhidin Sumqayıt Şəhidlər Xiyabanındakı məzarını ziyarət

                          
                          
                          
ediblər.Məzarının üstünə kül-çiçək dəstəsi qoyublar. Onu tanıyanlar çııxş edərək haqqında xoş sözlər deyiblər. Məktəblilər şeir söyləyiblər. 
    "Ceyran" şadlıq evində davam edən tədbirdə AzTV sədri Rövşən Məmmədov çıxış edərək Sirac Abışov haqqında öz ürək sözlərini danışıb.



Sirac Abış oğlu Abışov 29 avqust 1989-cu il tarixində Qubadlı şəhərində anadan olub. Sirac Birinci Qarabağ müharibəsi zamanı ailəsi ilə birlikdə evlərindən didərgin düşüb, Sumqayıt şəhərində yaşamağa başlayıb.
4 iyun 2021-ci ildə Kəlbəcər rayonunun Susuzluq kəndinə gedən yolda minaya düşərək şəhid olub. 5 iyunda Sumqayıt şəhər Şəhidlər xiyabanında dəfn edilib. Mərasimdə şəhidin ailə üzvləri, yaxınları ilə yanaşı Prezidentin köməkçisi, Prezident Administrasiyası xarici siyasət məsələləri şöbəsinin müdiri Hikmət Hacıyev, Medianın İnkişafı Agentliyinin (MEDİA) İcraçı direktoru Əhməd İsmayılov, “Azərbaycan Televiziya və Radio Verilişləri” Qapalı Səhmdar Cəmiyyətinin sədri Rövşən Məmmədov və ictimaiyyət nümayəndələri iştirak ediblər.
“Sərhədsiz Reportyorlar” Təşkilatı (SRT) 2021-ci ildə vəzifə borcunu yerinə yetirərkən öldürülən jurnalistlərin siyahısına Məhərrəm İbrahimovu və Sirac Abışovu adını salıb.

               
               
               

Azərbaycan Prezidenti İlham Əliyevin iyunun 14-də imzaladığı Sərəncamla işğaldan azad olunan ərazilərdə vəzifə borcunu yerinə yetirmiş Abışov Sirac Abış oğlu "3-cü dərəcəli "Vətənə xidmətə görə" ordeni ilə təltif edilib.

                          
                          
                          

Səfərbərlik və Hərbi Xidmətə Çağırış üzrə Dövlət Xidmətinin rəisi Arzu Rəhimovun əmri ilə Sirac Abışov “Hərbi vətənpərvərlik tərbiyəsində xidmətlərə görə” medalı ilə təltif edilib.

Türkiyə Xəbər Video-operatorları Cəmiyyəti tərəfindən Məhərrəm İbrahimov və Sirac Abışovun adına xüsusi mükafat təsis olunub.
Sirac Abışovun və Məhərrəm İbrahimovun adları “Azərbaycan Televiziya və Radio Verilişləri” QSC-nin ərazisində Azərbaycan mətbuatının şəhidlərinin xatirəsinə yaradılmış memorial abidə kompleksinin anım lövhəsinə həkk olunub.

                         
                         
25 avqust 2022-ci ildə AzTV sədri Rövşən Məmmədovun təşəbbüsü ilə xatirəsini əbədiləşdirmək üçün Sirac Abışov adına mükafat təsis edilib.
Namiq MƏMMƏDLİ
Sabaha-inamla.az













Baxış sayı: 224


Bölməyə aid digər xəbərlər