Millət vəkili Anar Məmmədov və icra başçısı Vətən Müharibəsi şəhidlərinin ailələri ilə görüşüb
Tarix: 19-03-2022 16:44 | Bölmə: Reportaj

Millət vəkili Anar Məmmədov Naftalan şəhərinə səfər edib.
Millət vəkili səfəri zamanı ilk öncə Şəhər İcra Hakimiyyətinin başçısı Vüqar Novruzovla birgə Ulu Öndər Heydər Əliyevin Şəhərin mərkəzində ucaldılmış abidəsini ziyarət edərək önünə gül dəstələri düzmüş, xalqın müdrik oğlunun əziz xatirəsini ehtiramla yad etmişdilər.
Sonra Millət vəkili Anar Məmmədov və Naftalan Şəhər İcra Hakimiyyətinin başçısı Vüqar Novruzov Novruz bayramı ərəfəsində Vətən Müharibəsi şəhidlərinin ailələri ilə görüş keçirtmiş onların qayğıları ilə maraqlanmışdılar.
Görüşlərdə şəhidlərimizin əziz xatirəsi yad edilmiş, barələrində xoş təəsüratlar danışılmış, torpaqlarımızın qorunması yolunda canlarından keçmiş şəhidlərimizin hünərinin hər birimizə örnək olması və hər bir Azərbaycan vətəndaşının öz qəhrəmanlarını tanımalı olduğu bildirilmişdir.
Azərbaycanın ərazi bütövlüyü uğrunda canlarından keçmiş şəhidlərimizin xatirəsini və adını uca tutmaq, əbədiləşdirmək, onların yaxınlarına, doğmalarına, ailə üzvlərinə diqqət və qayğı göstərmək bizim hər birimizin vətəndaşlıq borcumuz və ən əsas vəzifəmizdir deyə Deputat Anar Məmmədov bildirmişdir.

Qeyd olunub ki, Cənab Prezident İlham Əliyev tərəfindən həyata keçirilən sosial siyasətinin mərkəzində məhz Azərbaycan vətəndaşı dayanır. Bu qəbildən olan ailələrin sosial ehtiyaclarının dövlət tərəfindən ödənilməsi, həmçinin vətən uğrunda öz canından keçmiş şəhidlərin və Qarabağ müharibəsi əlillərinin övladlarının təhsil haqqından azad edilməsi, eyni zamanda, bu insanların mənzil və avtomobillərlə təmin olunması dövlət başçısı tərəfindən göstərilən diqqət və qayğısının bariz nümunəsidir.
Şəhid ailələrinin üzvləri dövlət tərəfindən onlaradaim göstərilən diqqət və qayğıdan razı qaldıqlarını bildirib, ölkə Prezidenti, Müzəffər Ali Baş Komandan cənab İlham Əliyevə və Birinci vitse-prezident hörmətli Mehriban xanım Əliyevaya sonsuz sevgi və hörmətlərini ifadə ediblər.

Sabaha-inamla.az















Baxış sayı: 185


Bölməyə aid digər xəbərlər