19:48 / 19-05-2022
Yoluxanların sayı artdı
Şirvanda 20 Yanvar faciəsinin 32-ci ildönümü qeyd edildi - Fotolar
Tarix: 20-01-2022 23:36 | Bölmə: Reportaj

                   Şirvanda 20 Yanvar faciəsinin 32-ci ildönümü qeyd edildi



20 Yanvar faciəsinin 32-ci ildönümü münasibətilə Şirvan Şəhər İcra Hakimiyyətinin başçısı İlqar Abbasov, Şura üzvləri, hüquq-mühafizə orqanlarının rəhbərləri, ictimaiyyət nümayəndələri öncə Ümummilli lider Heydər Əliyevin şəhərin mərkəzi meydanında ucalan abidəsini ziyarət ediblər. Abidə önünə gül-çiçək dəstələri qoyaraq Ulu öndərin əziz xatirəsinə dərin ehtiramlarını ifadə etdilər.
"Qafqazinfo" xəbər verir ki, daha sonra Şirvan şəhidlərinin uyuduğu Şəhidlər Xiyabanı ziyarət olunub. Şəhər rəhbərliyi və ictimaiyyət nümayəndələri Birinci Qarabağ müharibəsində itkin düşənlərin xatirəsinə ucaldılan abidənin, “Əbədi məşəl” abidəsinin və şəhid məzarlarının önünə tər qərənfillər düzərək ruhlarına dualar oxuyublar.
Şəhər İcra Hakimiyyətinin başçısı İlqar Abbasov bütün şəhid analarına ehtiram əlaməti olaraq ucaldılan “Şəhid anası” memorial abidə kompleksinin önünə əklil qoyub.
Daha sonra 20 Yanvar-Ümumxalq Hüzn Gününə həsr olunmuş ümumşəhər tədbiri keçirilib. Vətənimizin müstəqilliyi, müdafiəsi, ərazi bütövlüyü uğrunda canından keçən bütün şəhidlərin xatirəsi bir dəqiqəlik sükutla yad edilib.
İlqar Abbasov Azərbaycanın azadlığı, suverenliyi, bütövlüyü uğrunda canlarını fəda edən şəhidlərin əziz xatirəsinin xalqımızın qəlbində əbədi yaşayacağını bildirib.
Tədbirdə çıxış edən millət vəkili İltizam Yusifov torpaqlarımızın bütövlüyü və Vətənimizin azadlığı uğrunda canından keçən bütün şəhidlərimizə Allahdan rəhmət və ailələrinə səbir diləyib. 
Saat 12:00-da ölkəmizin hər yerində olduğu kimi Şirvan şəhərində də 20 Yanvar şəhidlərinin xatirəsi bir dəqiqəlik sükutla yad edilib, sonra avtomobillərdən səs siqnalları verilib.
Tədbirdən sonra Şəhər İcra Hakimiyyətinin başçısı İlqar Abbasov və hüquq-mühafizə orqanlarının rəhbərləri Birinci Qarabağ müharibəsində şəhid olan Milli Qəhrəmanlar Nofəl Quliyevin, Tahir Bağırovun, Rəfael Həbibovun büstlərini ziyarət edərək, gül dəstələri düzdülər və xatirələrini ehtiramla yad ediblər. Büstlərin önündə Milli Qəhrəmanların ailə üzvləri, təhsil aldıqları məktəblərin müəllimləri onların həyat və fəaliyyətləri, göstərdikləri şücaətlər barədə məlumat veriblər.
Sonra şəhərin el qəbiristanlığında uyuyan şəhidlərin məzarları ziyarət edilib, ruhlarına dualar oxunub.
Daha sonra Sovet İttifaqı Qəhrəmanı Şirin Şükürovun məzarı və məzarüstü abidəsi ziyarət edilərək önünə gül dəstələri qoyulub.











Baxış sayı: 87


Bölməyə aid digər xəbərlər