Doğum günündə şəhid İlkin Məmmədovun ailəsini ziyarət etdik-O, qarışıq döyüş növləri üzrə beş qat dünya çempionu imiş
Tarix: 26-11-2021 23:58 | Bölmə: Reportaj

Bu gün-26 noyabr Saray qəsəbəsində yaşamış, Şuşada şəhidlik zirvəsinə ucalmış İlkin Məmmədovun doğum günüdür.
Bu münasibətlə onun hazırda valideynlərinin yaşadığı evdə olduq. Və onun ailəsi ilə söhbət edib, həm şəhidimizi yaxından tanıdıq, həm də problemlərilə maraqlandıq.
Sabaha-inamla.az həmin tədbirdən çəkilən videoları və fotoları təqdim edir:

                     
İlkin Abdulla oğlu Məmmədov 1990-cı il noyabrın 26-da Füzuli rayonunun Yuxarı Kürdmahmudlu kəndində anadan olub.
Azərbaycan Ordusunun kiçik çavuşu olan İlkin Məmmədov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı

                       
altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Hadrut qəsəbəsininFüzulinin və Şuşanın azadlığı uğrunda gedən döyüşlərdə savaşıb. İlkin Məmmədov noyabrın 2-də Şuşa döyüşləri zamanı şəhid olub. Abşeron rayonunun Saray qəsəbəsində dəfn olunub.
                      
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən İlkin Məmmədov ölümündən sonra "Vətən uğrunda" medalı ilə təltif edildi.
                      
Azərbaycanın Xocavənd rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən İlkin Məmmədov ölümündən sonra "Xocavəndin azad olunmasına görə" medalı ilə təltif edildi.
                      
Azərbaycanın Füzuli rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən İlkin Məmmədov ölümündən sonra "Füzulinin azad olunmasına görə" medalı ilə təltif edildi.
Namiq MƏMMƏDLİ
Sabaha-inamla.az





























Baxış sayı: 488


Bölməyə aid digər xəbərlər