18:57 / 26-11-2021
Əvəz Həsənov vəfat etdi
Şəhid atası: "Rüfət mənim tək övladım idi"-VİDEO-Sabaha-inamla.az-da
Tarix: 14-10-2021 23:12 | Bölmə: Reportaj


"Elimdən, obamdan, hamıdan razıyam, məni Rüfətsiz yaşatmadılar"


    Sumqayıtda "Green House" şadlıq sarayında şəhidlik zirvəsinə ucalmış Rüfət Mustafayevin ildönümü mərasimi keçirilib.
    Tədbirdə şəhid ailələri, qazilər, Sumqayıt şəhərİcra Hakimiyyətinin rəhbər şəxsləri, Qubadlı rayon İcra Hakimiyyətinin başçısı Malik İsaqov, ictimayyət nümayəndələri, ziyalılar, jurnalistlər iştirak ediblər.

Sabaha-inamla.az-tədbirdən çəkilmiş videoları tamaşaçıların diqqətinə çatdırır:
                  
    Rüfət Zöhrab oğlu Mustafayev 12 mart 1996-cı il Sumqayıt şəhərində dünyaya göz açmışdır. İbtidai təhsilinə 2002-ci ildə Sumqayıt şəhəri 18 nömrəli məktəbdə almağa başlamış və 2013-cü ildə həmin məktəbdə məzun olmuşdur. Elə həmin il dövlət imtahanını uğurla keçərək Azərbaycan Texniki Universitetinin "Maşınqayırma və robototexnika" fakültəsinə qəbul olunub. 2019-cu ildə Azərbaycan Silahlı Qüvvələri Quru Qoşunlarının sıralarında həqiqi hərbi xidmət keçmək üçün ordu sıralarına könüllü getmişdir.
             

    27 sentyabr tarixində Azərbaycan-Ermənistan arasında başlanmış İkinci Qarabağ müharibəsinə əsgər Rüfət Mustafayev də qatılmışdır. Döyüşlərin ən qaynar nöqtələrində xidmətinə davam etmişdir. 2020-ci il oktyabrın 9-dan 10-a keçən gecə Ağdərə istiqamətində gedən şiddətli döyüşlər zamanı Ermənistan Silahlı Qüvvələrinin hücum cəhdinin qarşısını alarkən idarə etdiyi minik avtomobili ilə minaya düşərək komandiri Polkovnik-leytenant Cəfərov Zaur ilə birlikdə qəhrəmancasına şəhid olmuşdur.
    Oktyabrın 13-də əsgər Rüfət Mustafayevin nəşi əvvəlcə valideynlərinin yaşadığı Sumqayıt şəhərinə gətirilmişdir. Şəhidin cənazəsi yaşadığı ərazidə izdihamla qarşılanmışdır. Oradan avtomobil karvanı ilə Sumqayıt Şəhidlər Xiyabanına yürüş olmuşdur. Rüfət həmin gün Sumqayıt şəhərinin dövlət rəsmilərinin, icra nümayəndəliklərinin, rəhbər şəxslərin və şəhər sakinlərinin iştirakı ilə yaylım atəşi ilə təntənəli şəkildə torpağa tapşırılmışdır.

Namiq MƏMMƏDLİ
Sabaha-inamla.az





Baxış sayı: 220


Bölməyə aid digər xəbərlər