17:38 / 16-07-2024
Təbiət Abidələri Ağaclar
Bütün xəbərlər
Aktyor Stanislav Kuroptev bədbəxt hadisə nəticəsində dünyasını dəyişib
Tarix: 09-06-2023 23:26 | Bölmə: Mədəniyyət


Yaroslavl vilayətində kino və serialların aktyoru, bayram tədbirlərinin aparıcısı, improvizator Stanislav Kuroptev dünyasını dəyişib.

Sabaha-inamla.az rus mətbuatına istinadən xəbər verir ki,  dəhşətli hadisə iyunun 8-də səhər saatlarında "M-8" avtomobil yolunda baş verib.
Yaroslavl mətbuatının yazdığına görə, Kuroptevin maşını yük maşınına çırpılıb, sürücülər vəziyyəti müzakirə etmək üçün maşından düşüblər, lakin bu zaman başqa bir avtomobil dayanmış yük maşınına çırpılıb və hər iki şəxsi yerə yıxıb. Aktyor hadisə yerində dünyasını dəyişib.
Kuroptevin dostu və həmkarı Denis Qaqarin sosial şəbəkələrdə bildirib ki, Kuroptevin dəfn mərasimi və vida mərasimi iyunun 11-də Yaroslavldakı Leontyev kilsəsində olacaq. Aktyor vətənində, Arxangelskdə dəfn olunacaq. Onun 28 yaşı var idi.
Stanislav Kuroptev "Voroninlər", "Rostov", "Şərəf kodu - 7" və başqa seriallarda rol alıb. TASS yazır ki, ümumilikdə onun filmoqrafiyasına müxtəlif layihələrdə 12 əsər daxildir.


Baxış sayı: 143


Bölməyə aid digər xəbərlər