Bütün xəbərlər
Putin Çurikovanın ölümünü hamı üçün böyük itki adlandırıb
Tarix: 14-01-2023 19:43 | Bölmə: Mədəniyyət

Rusiya prezidenti Vladimir Putin mərhum SSRİ xalq artisti İnna Çurikovanın ailəsinə və yaxınlarına başsağlığı verib.
Sabaha-inamla.az rus mətbuatına istinadən xəbər verir ki, dövlət başçısının mətbuat katibi Dmitri Peskov bildirib ki, Putin görkəmli teatr və kino aktrisasının ərinə və oğluna teleqram göndərib.
"Başınıza dəymiş kədər və əvəzolunmaz itki ilə əlaqədar dərin hüznlə başsağlığı, dəstək sözləri və iştirakımızı qəbul edin. Böyük, xalq tərəfindən sevilən aktrisa İnna Mixaylovna Çurikovanın vəfatı hamımız üçün böyük itkidir", - teleqramda deyilir. .
Vladimir Putin əlavə edib ki, o, aktrisanın xatirəsini əbədi saxlayacaq və onu parlaq, istedadlı, səxavətli insan kimi xatırlayacaq.
Xatırladaq ki, daha əvvəl “Lenkom Mark Zaxarova” teatrının direktoru Mark Varşaver İnna Çurikovanın 80 yaşında dünyasını dəyişdiyini bildirmişdi. Mərhum Troekurovski qəbiristanlığında dəfn olunacaq.
İnna Çurikovanın son böyük kino işi Qleb Panfilovun "İvan Denisoviç" filmi olub.


Baxış sayı: 134


Bölməyə aid digər xəbərlər
23-03-2024, 13:08 Emindən ilk - Reaksiya