Bütün xəbərlər
Qənirə Paşayeva Əməkdar artist Firuz Səxavəti 50 illik yubileyi münasibəti ilə təbrik edib
Tarix: 05-09-2022 21:46 | Bölmə: Mədəniyyət


Milli Məclisin Mədəniyyət Komitəsinin sədri Qənirə Paşayeva Azərbaycan Respublikasının Əməkdar artisti, tanınmış xanəndə Firuz Səxavətlə görüşüb, onu 50 illik yubileyi münasibəti ilə təbrik edib, ürək sözlərini bölüşüb:
“Hörmətli Firuz müəllim,
Sizi 50 illik əlamətdar yubileyiniz münasibəti ilə ürəkdən təbrik edir, möhkəm can sağlığı, yeni yaradıcılıq uğurları diləyirəm!
Çox şadam ki, bu ilki yubileyinizi doğma Ağdamın, Qarabağ və Şərqi Zəngəzur iqtisadi rayonlarının düşmən işğalından azad olunması, azad olunmuş torpaqlarımızda quruculuq-abadlıq işlərinin aparılmasının sevinci içində keçirirsiz.
Siz ölkəmizin istedadlı xanəndəsi, muğam ustası olaraq tanınırsız və cənab Prezidentin müvafiq Sərəncamı ilə “Əməkdar artist” fəxri adı ilə təltif olunmusuz. Qardaşınız – ünlü xanəndə Səxavət Məmmədovun xatirəsini əziz tutaraq, onun adını özünüzə ikinci ad (sənət təxəllüsü) olaraq götürmüsüz və ləyaqətlə daşıyırsız.
Siz ilk musiqi təhsilinizi 1985-1990-cı illərdə Xan Şuşinski adına Ağdam musiqi məktəbində almısız. İlk müəlliminiz, Qarabağ xanəndəlik məktəbinin ənənələrini qoruyub yaşadan, zənginləşdirən, yeni xanəndələr nəslinin təlim-tərbiyəsində böyük əməyi olan Əlisəfa Hüseynov olub.
1984-1985-ci illərdə “Qarabağ bülbülləri” ansamblında fəaliyyət göstərmisiz.
1994-1998-ci illərdə Azərbaycan Milli Konservatoriyasında ustad sənətkar, professor Arif Babayevin sinfində ali təhsil almısız.
2000-ci ildə Xətai rayonu 25 saylı musiqi məktəbində pedaqoji fəaliyyətə başlamısız.
2005-ci ildən Azərbaycan Milli Konservatoriyasında xanəndəlik üzrə dərs deyirsiz.
2008-ci ildə Heydər Əliyev Fondunun dəstəyi ilə gün üzü görən, 24 xanəndənin yaradıcılığını əhatə edən fono və foto materiallardan ibarət “Qarabağ xanəndələri” xüsusi nəşrinə sizin ifanız da daxil edilib.
Sizi bir daha, 50 illik yubileyiniz və bütün uğurlarınız münasibəti ilə Milli Məclisin Mədəniyyət komitəsi adından təbrik edir, ən xoş arzularımı yetirirəm”!
Q.Paşayeva Əməkdar artistə Qarabağ motivli xatirə hədiyyələri bağışlayıb.
F.Səxavət Komitə sədrinə səmimi görüş və təbrik üçün təşəkkür edib.
Görüşdə “NƏFƏS” İB Firəngiz Balakişiyeva iştirak edib.

Sabaha-inamla.az







Baxış sayı: 124


Bölməyə aid digər xəbərlər