Bütün xəbərlər
Qənirə Paşayeva Əməkdar mədəniyyət işçisi Nemət Qasımlını 50 illik yubileyi münasibəti ilə təbrik edib
Tarix: 04-09-2022 18:30 | Bölmə: Mədəniyyət


   MM Mədəniyyət Komitəsinin sədri Q.Paşayeva Beynəlxalq müsabiqələr laureatı, Əməkdar mədəniyyət işçisi Dos.Dr. Nemət Qasımlı ilə görüşüb, onu 50 illik yubileyi münasibəti ilə təbrik edib, ürək sözlərini bölüşərək, Komitə adından Təbrik məktubu təqdim edib:
“Hörmətli Nemət müəllim,Sizi 50 illik yubileyiniz münasibəti ilə ürəkdən təbrik edir, sizə möhkəm can sağlığı, yeni yaradıcılıq uğurları yetirirəm!
Siz Azərbaycanın ünlü solo-saz ifaçılarındansız. Siz musiqi məktəbində müəllim olaraq malışır, yeniyetmə və gənclərə aşıqlıq sənətinin sirlərini öyrədirsiz.
     Siz demək olar, bütün bölgələrimizə (Təbriz, Göyçə, Tovuz, Borçalı, Şirvan və b.) məxsus aşıq havalarını gənclik illərində öyrənmisiz.
Siz AMEA-nın “Folklor” İnstitutunda elmi işçi, ADMİU-nin “Tədris teatrı” şöbəsində musiqi rejissoru olmuş, habelə Bakıda ilk dəfə olaraq, Qara Qarayev adına 8 saylı musiqi məktəbində saz sinfi açmısız. Sizin yetirmələriniz onlarla müsabiqədə I yerə layiq görülüb.
    UNESCO-ya təqdim edilən aşıq sənəti haqqında filmin əsas aparıcısısız siz olmusuz. UNESCO tərəfindən sizin sənət fəaliyyətinizlə bağlı 52 dəqiqəlik sənədli film çəkilib.
    Çox şadam ki, bu ilki yubileyinizi, düşmən işğalından azad olunmuş Qarabağ və Şərqi Zəngəzur iqtisadi rayonlarımızda mədəniyyət müəssisələrinin bərpası prosesinin geniş vüsət almasının fərəhi içində keçirirsiz.
    Sizi bir daha, əlamətdar yubileyiniz və bütün uğurlarınız münasibəti ilə Milli Məclisin Mədəniyyət komitəsi adından təbrik edir, ən xoş arzularımı yetirirəm”!
    Q.Paşayeva Əməkdar mədəniyyət işçisinə xatirə hədiyyələri bağışlayıb.
N.Qasımlı Komitə sədrinə səmimi görüş və təbrik üçün təşəkkür edib.
    Görüşdə “NƏFƏS” İB Firəngiz Balakişiyeva iştirak edib.

Sabaha-inamla.az





Baxış sayı: 97


Bölməyə aid digər xəbərlər