Bütün xəbərlər
Xalq artisti Azər Paşa Nemətova həsr olunan kitab-albom çap olunub
Tarix: 03-09-2022 19:45 | Bölmə: Mədəniyyət


     Azərbaycan Teatr Xadimləri İttifaqının sədri, Akademik Milli Dram Teatrının bədii rəhbər-direktoru, Xalq artisti Azər Paşa Nemətovun 75 illik yubileyinə həsr olunan kitab-albom çap olunub. Azərbaycan, rus və ingilis dillərində işıq üzü görən yeni nəşr Azər Paşa Nemətovun atası, məşhur teatr rejissoru Zəfər Nemətovun həyat yoluna işıq salmaqla başlayır. Kitab-albom daha sonra “Uşaqlıq və gənclik illəri”, “Portretlər”, “Tamaşalardan fraqmentlər”, “Sənət, həyat, düşüncələr...” bölmələri ilə davam edir.
     Nəşrdə Azər Paşa Nemətovun Azərbaycan Dövlət Gənc Tamaşaçılar Teatrında, Leninqrad Gənc Tamaşaçılar Teatrında, Arxangelsk Dövlət Dram Teatrında, Tallin Gənc Tamaşaçılar Teatrında, Azərbaycan Dövlət Akademik Milli Dram Teatrında hazırladığı tamaşalardan, eyni zamanda görkəmli rejissorun yaradıcı səfərlər zamanı lentə alınan fotolar öz əksini tapıb.
     Kitab-albomda Azərbaycan Teatr Xadimləri İttifaqının, Azərbaycan Dövlət Teatr Muzeyinin, Akademik Milli Dram Teatrının muzeyinin, o cümlədən, Azər Paşa Nemətovun şəxsi arxivindən istifadə olunub.
     Yeni nəşrin tərtibçisi Cavid Zeynallı, rus və ingilis dillərinə tərcümə edəni Ayna Zərbəliyeva, redaktoru Aida Qafarova, bədii tərtibatçısı Aqil Əmrahovdur.
    Kitab-albom “Elm və Təhsil” nəşriyyatında işıq üzü görüb.

Sabaha-inamla.az








Baxış sayı: 201


Bölməyə aid digər xəbərlər
23-03-2024, 13:08 Emindən ilk - Reaksiya