“Mədəniyyətimizin beşiyi - Şuşa” adlı tədbir keçirilib
Tarix: 25-04-2022 23:30 | Bölmə: Mədəniyyət


     Bu gün İsmayıllı Regional Mədəniyyət İdarəsinin təşkilatçılığı ilə Azərbaycan Respublikasında 2022-ci ilin “Şuşa İli” elan edilməsi haqqında Azərbaycan Respublikası Prezidentinin Sərəncamına müvafiq olaraq “Mədəniyyətimizin beşiyi - Şuşa” adlı tədbir keçirilib. Tədbirdə İsmayıllı Rayon İcra Hakimiyyətinin əməkdaşları, hüquq-mühafizə orqanlarının rəhbərləri, idarə, müəssisə rəhbərləri və rayon ictimaiyyətinin nümayəndələri iştirak edib.
     İlk öncə Heydər Əliyev adına Mədəniyyət Mərkəzinin foyesində Şuşada anadan olan və yaşayıb yaradan incəsənət xadimlərinin fotoşəkillərindən ibarət sərgiyə, Şuşa mövzusunda çəkilən rəsm əsərlərinə, Şuşa mətbəxi nümunələrinə baxış keçirilib.
     Tədbirin bədii hissəsində qədim mədəniyyət paytaxtı olan Şuşa ilə bağlı ətraflı məlumat verilib, Şuşada yaşayıb yaratmış görkəmli incəsənət xadimlərinin əsərlərindən ibarət musiqilər, teatr səhnələri təqdim edilib. Daha sonra “Muğam” televiziya müsabiqəsi laureatları Mirələm Mirələmov, Nisbət Sadrayeva, Əməkdar mədəniyyət işçisi Sahibə xanım Abdullayeva, Rövşən Teyyubovun ifasında konsert proqramına baxılıb.

Sabaha-inamla.az















Baxış sayı: 87


Bölməyə aid digər xəbərlər
24-05-2022, 13:18 Ayaz Salayev sədr seçildi
19-05-2022, 19:43 Xalq artisti vəfat etdi