22:20 / 15-05-2022
Tramp tviterə qayıtmayacaq
16:05 / 15-05-2022
Renat İbrahimov vəfat edib
Minlərlə insanın toxuduğu “Çələbi” xalçasının kəsim mərasimi olacaq
Tarix: 27-12-2021 13:39 | Bölmə: Mədəniyyət

                 Minlərlə insanın toxuduğu “Çələbi” xalçasının kəsim mərasimi olacaq


Azərbaycanın 44 günlük Vətən müharibəsindəki qələbəsini simvolizə edən və xalqımızın həmrəyliyini nümayiş etdirən sənədli film “Qarabağ İlmələrdə” adlı sosial layihə çərçivəsində hazırlanıb.
“Qafqazinfo” xəbər verir ki, Azərbaycan Jurnalistlər Şəbəkəsi İctimai Birliyinin təşəbbüsü Azərbaycan Mədəniyyət Nazirliyi, “Azərxalça” ASC və “Təmiz Şəhər” ASC-nin dəstəyi ilə keçirilən sosial layihədə bir xalçanı 44 gün ərzində minlərlə insan toxuyub. Sonuncu ilmələri Zəfər günü ərəfəsində işğaldan azad olunan Şuşa şəhərində vurulan xalçanın toxunma prosesi əvvəldən axıra qədər filmdə əks olunur.
Xüsusi avtomobildə daşınan xalçaya şəhid ailələri, müharibə iştirakçıları və müxtəlif bölgələrdə yaşayan vətəndaşlar xalçaya ilmə ataraq,Vətən müharibəsində qazanılan qələbənin yaşatdığı hissləri dilə gətiriblər.
Azərbaycan xalqının birliyini, həmrəyliyini bir daha nümayiş etdirən “Qarabağ İlmələrdə” filmi izlənildikdən sonra 44 gün ərzində toxunan Qarabağ “Çələbi” xalçasının kəsim mərasimi olacaq.
Ssenari müəllifi Orxan Cabbarlı, quruluşçu rejissor Emil Babayev,rejissor Bəhruz Qədirov, quruluşçu operator Böyükağa Nağıyev olan “Qarabağ İlmələrdə” filminin təqdimatı və xalçanın kəsim mərasimi 28 dekabr saat 15:00-da Nizami Kino Mərkəzində baş tutacaq.




Baxış sayı: 217


Bölməyə aid digər xəbərlər
16-04-2022, 20:22 Aynurla Niyam evlənir