Bütün xəbərlər
“Şuşa, sən azadsan!” sənədli filminin nümayişi keçirilib
Tarix: 07-11-2021 20:16 | Bölmə: Mədəniyyət

                     “Şuşa, sən azadsan!” sənədli filminin nümayişi keçirilib


Bu gün Şağan Mədəniyyət Mərkəzində “8 Noyabr – Zəfər Günü” münasibətilə silsilə tədbirlər çərçivəsində “Şuşa, sən azadsan!” sənədli filminin nümayişi keçirilib.
“Qafqazinfo” xəbər verir ki, tədbirdə Xəzər Rayon İcra Hakimiyyətinin başçısı Elşən Salahov, rayonun dövlət qurumlarının rəhbərləri, şəhid ailələri və qazilər,  ictimaiyyət nümayəndələri iştirak ediblər.
Tədbir iştirakçıları ilk öncə Şağan Mədəniyyət Mərkəzininin foyesində təşkil olunmuş “Vətən Müharibəsi Qəhrəmanları rayon gənclərinin gözü ilə” adlı sərginin təqdimatı ilə tanış olublar.
Tədbirin davamında Azərbaycan Respublikasının Dövlət Himni səsləndirilib və Vətən Müharibəsi Şəhidlərinin xatirəsi bir dəqiqəlik sükutla yad edilib.
Daha sonra Mədəniyyət Nazirliyinin dəstəyi ilə Bakı Media Mərkəzi və “Salnaməfilm” studiyasının birgə istehsalı olan “Şuşa, sən azadsan!” sənədli filminin nümayişi keçirilib.
Filmin nümayişindən sonra Xəzər Rayon İcra Hakimiyyətinin təşəbbüsü və Xəzər Rayon Gənclər və İdman İdarəsinin təşkilatçılığı ilə lentə alınan “Ey vətən” adlı klipin təqdimatı keçirilib.








Baxış sayı: 249


Bölməyə aid digər xəbərlər