Könül izləyicinin təhqirinə təhqirlə cavab verdi
Tarix: 02-07-2021 12:13 | Bölmə: Mədəniyyət

                   Könül izləyicinin təhqirinə təhqirlə cavab verdi


Əməkdar artist Könül Kərimova ilə sosial şəbəkə istifadəçiləri arasında növbəti dəfə qalmaqal yaşanıb. “Qafqazinfo” xəbər verir ki, buna səbəb müğənninin instaqramda paylaşdığı fotosu olub.
Sənətçi öz instaqram hesabında dənizdə çimərkən çəkilmiş fotosunu paylaşaraq “Qazaxlılar demiş: Yanıram, a dağlar. Yeriniz məlum... Biri də yadıma düşdü, Afaq xanım demiş: göydən alov yağır, a bajı... Belə də ki, qadasın alım qazaxlıların. Ləhcəsi də şirindir, özləri də. Allah sizi qorusun, ay gözəl qazaxlılar!!!”, - sözlərini qeyd edib.
İzləyicilərdən biri isə K. Kərimovanın bu paylaşımına belə şərh yazıb: ”Utanmasan, oynamağa nə var? Heç yaş-başınızdan utanırsız? Abır-həyanı niyə tamamilə tərk etmisiz?”
Sənətçi sözügedən rəydən əsəbiləşərək qarşı tərəfin ünvanına bu fikirləri səsləndirib: “Yaşından da, olmayan başından da sən utan! Ay xəstə, mundar, anormal! Burda utanılacaq nə var? Ayıb sənə olsun ki, durduq yerdə camaatı təhqir edirsən? Başına da mən boyda daş düşsün, qalasan altında. Bildin?!”





Baxış sayı: 170


Bölməyə aid digər xəbərlər
14-09-2021, 18:51 Yaqub Zurufçu vəfat etdi