Ağcabədi Rayon Gənclər və İdman İdarəsində taekvondo idman növü üzrə Azərbaycan birinciliyində uğurlu nəticələr əldə etmiş Ağcabədi taekvondoçuları ilə görüş keçirilib.
AZƏRTAC-ın bölgə müxbiri xəbər verir ki, gənclər və idman idarəsinin rəisi Rüfət Quliyev idmançıları qazandıqları nəticələr münasibətilə təbrik edib, onlara yeni nailiyyətlər arzulayıb. İdarə rəisi pandemiyanın digər sahələrlə yanaşı, idmana da mənfi təsirlərinin olduğunu qeyd edib. Bildirib ki, Ağcabədi taekvondoçularının uğurlu nəticə əldə etmələri rayonda idmanın inkişafının bariz nümunəsidir.
Qeyd edək ki, iyunun 16-18-də Bakı şəhərində keçirilmiş taekvondo idman növü üzrə Azərbaycan birinciliyində iştirak edən Ağcabədi taekvondoçuları 6 medal qazanaraq uğurlu nəticə əldə ediblər. Taekvondoçulardan Səlimov Vasif birinci, İbrahimova Bahar, Mirzəyev Akşin ikinci, Quliyev Rəsul, Abbaszadə Firəngül, Tanrıverdiyev Eltun üçüncü yerə layiq görülüb.