Şahmat üzrə onlayn Sumqayıt çempionatına yekun vuruldu
Tarix: 24-06-2021 21:05 | Bölmə: Digər


Sumqayıt şəhər Gənclər və İdman Baş İdarəsinin təşkilatçılığı ilə www.chess.com internet portalında “15 iyun – Milli Qurtuluş günü”nə həsr edilmiş şahmat (blits) üzrə kişi və qadınlar arasında onlayn şəhər çempionatı keçirilmişdir. Yarışın keçirilməsində məqsəd idmançıların zərərli vərdişlərdən çəkindirlməsi, şahmat idman növünün şəhərdə təbliği və inkişafı, bu idman növündə güclü idmançıların müəyyən edilməsi, idman ustalığının artırılması və təkmilləşdirilməsidir. 3 dəqiqə olmaqla 9 turdan ibarət İsveçrə sistemi üzrə təşkil olunmuş yarışda 37 şahmatçı iştirak etmişdir. Maraqlı idman mübarizəsi şəraitində keçən çempionatda qadınlar arasında Leyla Rzalı (9 xal) birinci, Nurtən Nuriyeva (6 xal) ikinci, Leyla Mirzəliyeva (5,5 xal) isə üçüncü yeri tutmuşlar. Kişilərin mübarizəsində isə Rüstəm Rüstəmli (9 xal), Hüseyn Əhmədzadə (7 xal) və Nahid Ağalı (6 xal) müvafiq olaraq birinci, ikinci, üçüncü yerlərə layiq görülmüşlər. Yarışın qalib və mükafatçıları şəhər Gənclər və İdman Baş İdarəsi tərəfindən fəxri fərman, medal, əlavə olaraq birinci yeri tutmuş idmançılar hədiyyələrlə təltif olunmuşlar.

Sabaha-inamla.az



Baxış sayı: 32


Bölməyə aid digər xəbərlər