Bütün xəbərlər
Kalmıkiyada yüngül təyyarə qəzaya uğrayıb, pilot xəstəxanada
Tarix: 10-06-2024 11:38 | Bölmə: Cəmiyyət

Kalmıkiyada kənd təsərrüfatı işləri aparan yüngül mühərrikli "SP-30" təyyarəsi dirəyə çırpılaraq qəzaya uğrayıb, pilot yaralanıb.
Sabaha-inamla.az rus mətbuatına istinadən xəbər verir ki, fövqəladə hadisə bazar ertəsi səhər Kalmıkiyanın Yaşkul rayonunun Xar-Tolqa kəndindən on kilometr cənubda baş verib.
“Aerokimyəvi iş” yerinə yetirən təyyarə elektrik dirəyinə çırpılıb. Pilot xəsarət alaraq xəstəxanaya yerləşdirilib.
Hadisə yerinə müstəntiqlər tərəfindən baxış keçirilir, yoxlama aparılır, Rusiya İstintaq Komitəsinin Nəqliyyat üzrə Qərb Regionlararası İstintaq İdarəsinin Həştərxan Nəqliyyat üzrə İstintaq İdarəsindən bildiriblər.
Ötən şənbə günü yüngül təyyarə Moskva vilayətinin Litkarino şəhərindəki Turayevskoye şossesində məcburi eniş edib, heç kim xəsarət almayıb, təyyarəyə cüzi ziyan dəyib.


Baxış sayı: 102


Bölməyə aid digər xəbərlər
12-06-2024, 10:55 Sərxoş turist döyülüb