Bütün xəbərlər
5-ci sinif şagirdi beton blokun altında qalaraq ölüb
Tarix: 12-04-2024 10:44 | Bölmə: Cəmiyyət

Sverdlovsk vilayətində müstəntiqlər 11 yaşlı uşağın tərk edilmiş tikintidə oynayarkən ölümünün təfərrüatlarını araşdırır və cinayət işi açılıb.
Sabaha-inamla.az rus mətbuatına istinadən xəbər verir ki, bu barədə İstintaq Komitəsinin regional istintaq idarəsi məlumat yayıb.
Hadisə aprelin 11-də İrbitdə yarımçıq tikilinin yerində baş verib. İlkin məlumatlara görə, bir neçə uşaq beton blokların qalaqları üzərində oynayır, qaçırdılar. Oğlanlardan biri yıxılaraq plitə ilə əzilib. Şagird həyatı ilə bir araya sığmayan xəsarətlər alıb.
İstintaq Komitəsi ehtiyatsızlıqdan ölümə səbəb olduğu üçün cinayət işi açıb. Müstəntiqlər hadisə yerinə baxış keçirib, şahidlər, o cümlədən birbaşa şahidlər müəyyən edilərək dindirilir. Torpaq sahəsinin və onun üzərində yerləşən beton blokların mülkiyyətinə də aydınlıq gətirilir.


Baxış sayı: 106


Bölməyə aid digər xəbərlər
18-05-2024, 22:50 Qızı boğmağa cəhd edib